Міністр па еўрапейскіх справах Ірландыі наведаў Офіс Святланы Ціханоўскай у Вільні
9 лістапада Міністр па еўрапейскіх справах Ірландыі Пітэр Бэрк наведаў Офіс Святланы Ціханоўскай у Вільні. У сустрэчы таксама ўзяла ўдзел амбасадарка Ірландыі ў Літве Шэнна МакХ’ю, у тым ліку адказная за супрацоўніцтва з дэмакратычнымі сіламі Беларусі. Падчас сустрэчы Ціханоўская і Бэрк абмеркавалі падтрымку праграмаў рэабілітацыі палітвязняў і сем’яў рэпрэсаваных, узгадаўшы пра досвед Ірландыі ў праграмах […]
Прамова Святланы Ціханоўскай на Форуме будучыні дэмакратыі ў Вільні, 2023
«Дарагія прыхільнікі дэмакратыі, дарагія сябры свабоднай Беларусі, Перш за ўсё я хачу падзякаваць арганізатару форуму, міністру Ландсбергісу, за яго правядзенне. Барацьба за дэмакратыю цяжкая. Каб перамагчы ў гэтай барацьбе, нам патрэбныя моцныя лідары. І вы, шаноўны міністр, адзін з іх. Вы сталі сапраўдным ворагам дыктатараў усяго свету, і я думаю, гэта нагода ганарыцца. Для нас, […]
Прамова Святланы Ціханоўскай на семінары па свабодзе СМІ ў Беларусі, Вільня, 2023
«Паважаная прафесар Шэшэльгіце, Дзякуй, што прадставілі мяне. Некалькі тыдняў таму мы ўжо сустракаліся тут, у вашым інстытуце, каб абмеркаваць, як палепшыць літоўска-беларускія адносіны. Сёння мы абмяркуем, як садзейнічаць свабодзе СМІ. Думаю, з вашай дапамогай мы можам прынесці пазітыўныя змены ў шмат якія аспекты жыцця. Я хачу падзякаваць усім арганізатарам гэтага цудоўнага мерапрыемства: пасольству Фінляндыі, Ірландыі […]
Выступ Святланы Ціханоўскай на Берлінскай канферэнцыі, 2023
«Паважаны Крыстафер Кнох, дзякуй за ветлівае прадстаўленне, Паважаны Армін Лашэт, Дарагія сябры, Для мяне заўсёды вялікі гонар і радасць выступіць перад маладымі лідарамі Еўропы. Яшчэ некалькі гадоў таму я не магла ўявіць сябе на гэтым месцы. Ды і сёння мне было б больш звыкла апынуцца ў зале і слухаць іншых спікераў. Ведаеце, усе вядомыя палітыкі […]
Святлана Ціханоўская абмеркавала з прадстаўніцай YouTube падтрымку беларускай мовы на платформе
Беларуская лідарка наведала рэгіянальны офіс YouTube у Берліне, дзе сустрэлася з кіраўніцай YouTube, адказнай за сувязі з урадамі, Сабін Франк. На сустрэчы абмеркавалі падтрымку беларускай мовы на платформе YouTube, прасоўванне беларускага кантэнту і блакаванне рэжымнай прапаганды. На сустрэчы гаварылі аб падтрымцы беларускай мовы на платформе YouTube. Цяпер яна даступная ў інтэрфейсе, падтрымліваецца ў бальшыні сэрвісаў […]
Святлана Ціханоўская – Віктару Бабарыку: «Я веру, што вы не апусцілі рукі»
Святлана Ціханоўская: «Сёння, 9 лістапада, у Віктара Бабарыка юбілей – 60 гадоў. Гэта ўжо чацвёрты дзень нараджэння, які ён праводзіць за кратамі. Чарговы дзень, які Віктар Дзмітрыевіч не зможа правесці так, як любіць – у коле сям’і. Як і тысячы беларусаў, ён утрымліваецца ў нечалавечых умовах. Да яго перасталі дапускаць адваката, не даюць сустракацца са […]
Нямецкі Бундэстаг прыняў рэзалюцыю па Беларусі
Сёння Святлана Ціханоўская выступіла перад Камітэтам па міжнародных справах Бундэстагу і заклікала дэпутатаў прыняць рэзалюцыю па Беларусі. Пасля ў Бундэстагу адбыліся дэбаты, дзе была прынята рэзалюцыя «За дэмакратычную Беларусь у еўрапейскай сям’і». У тэксце рэзалюцыі адзначаецца: «Нямецкі Бундэстаг цвёрда стаіць на баку ўсяго беларускага дэмакратычнага руху, Святланы Ціханоўскай і ўзначаленага ёй Абʼяднанага Пераходнага Кабінета. Беларусы […]
Святлана Ціханоўская сустрэлася з дарадцам Канцлера Германіі па знешняй палітыцы і бяспецы Енсам Плётнэрам
Беларуская лідарка і Енс Плётнэр абмеркавалі выдачу пашпартоў замежніка для беларусаў Германіі, пытанне прызнання новага беларускага пашпарта, а таксама магчымыя крокі для вызвалення палітвязняў і падтрымкі іх сем’яў. Падчас сустрэчы палітыкі гаварылі пра стратэгію па Беларусі, санкцыйны ціск і закрыццё шчылінаў для іх абыходу, міграцыйны крызіс і расійскую вайсковую прысутнасць у Беларусі. Ціханоўская папрасіла Германію […]
Святлана Ціханоўская – у Бундэстагу: «Тыраны спадзяюцца, што свет забудзе пра Беларусь. Мы не павінны гэтага дапусціць»
Беларуская лідарка выступіла са зваротам да Камітэта па міжнародных справах Бундэстагу. Яна заклікала нямецкіх парламентарыяў прыняць рэзалюцыю ў падтрымку Беларусі. Дакумент мае намерам забяспечыць падтрымку дэмакратычным сілам, грамадзянскай супольнасці, незалежным медыя і асудзіць злачынствы рэжыму Лукашэнкі. Святлана Ціханоўская акцэнтавала ўвагу на недапушчальнасці стаўлення да беларусаў, як да рэжыма. Яна нагадала пра шматлікія ціхія акцыі супраціву, […]
Выступ Святланы Ціханоўскай на пасяджэнні Камітэта па замежных справах Бундэстага, 2023
«Паважаны Старшыня Міхаэль Рот, Паважаныя члены Камітэта па замежных справах, Дарагія сябры, Найперш я хацела б падзякаваць вам ад імя ўсіх беларусаў за тое, што падтрымліваеце нас у нашай барацьбе за дэмакратыю. Цяпер вырашальны час не толькі для народаў Беларусі і Украіны, але і для ўсёй Еўропы. І я радая, што тэма Беларусі працягвае аб’ядноўваць […]
Развіццё кампаніі салідарнасці і праграм рэабілітацыі для беларускіх палітвязняў: сустрэча Ціханоўскай з кіраўніцтвам Libereco
Беларуская лідарка наведала офіс швейцарска-нямецкай арганізацыі Libereco, дзе сустрэлася з дырэктарам Маркам Фіберам і яго камандай. Libereco актыўна падтрымлівае беларускіх палітзняволеных і дзякуючы іх праграме, больш за 300 дэпутатаў з 21 Парламента сталі хроснымі нашых герояў. Святлана Ціханоўская падзякавала арганізацыі Libereco за падтрымку і падкрэсліла важнасць існавання праграмаў рэабілітацыі для тых, хто ўжо выйшаў на […]
Святлана Ціханоўская: «Пытанне Беларусі павінна гучаць паўсюль»
Беларуская лідарка ўзяла ўдзел у мітынгу беларусаў каля Брандэнбурскай брамы. Разам з ёй удзельнічалі прадстаўнікі арганізацыі «Разам», Народных амбасадаў Беларусі, арганізацыі Libereco, якая займаецца падтрымкай беларускіх палітвязняў. Падчас свайго выступу Святлана Ціханоўская заклікала беларусаў быць больш актыўнымі ў працы з палітыкамі і медыямі. Падымаць пытанне Беларусі на ўсіх узроўнях: сустрэчах, мітынгах і канферэнцыях. Таксама лідарка распавяла […]
Выступ Святланы Ціханоўскай на мітынгу беларускай дыяспары ў Берліне, 2023
«Дарагія беларусы, Шаноўныя нямецкія сябры, Тут, за маёй спінай, трыццаць пяць гадоў таму праходзіла мяжа між свабодным светам і савецкай імперыяй – тагачасным варыянтам «русского міра». Тады нямецкі народ быў падзелены на дзве часткі – сітуацыя, добра знаёмая беларусам. Каб пабачыць сваіх блізкіх, ці проста каб глынуць вольнага паветра людзі былі вымушаныя ўцякаць на Захад […]
Вырашэнне пытанняў легалізацыі беларусаў у Польшчы
Сёння прайшла чарговая сустрэча працоўнай групы пры МУС Польшчы. Беларускі бок прадстаўляла дарадца Святланы Ціханоўскай па прававых пытаннях Крысціна Рыхтэр і прадстаўніца Цэнтра Беларускай Салідарнасці Вольга Дабравольская. Падчас сустрэчы былі абмеркаваныя пытанні легалізацыі дзяцей грамадзян Беларусі, народжаных у Польшчы. Зараз беларусы сутыкаюцца са складанасцямі ў легалізацыі сваіх нованароджаных дзяцей у Польшчы. Падчас сустрэчы прадстаўнікі МУС заявілі, […]
Святлана Ціханоўская і Ганна Люрман абмеркавалі спрашчэнне легалізацыі беларусаў Нямеччыны
У дыялогу з нямецкай міністаркай па справах Еўропы Святлана Ціханоўская ўзняла пытанні дапамогі беларускай грамадзянскай супольнасці і незалежным медыя, а таксама павелічэнне падтрымкі для рэпрэсаваных. Асобна абмеркавалі дапамогу беларускім добраахвотнікам ва Украіне, якім Нямеччына раней перадала 5 джыпаў і мабільны шпіталь. Міністарка анансавала падрыхтоўку дакументаў, што спросцяць легалізацыю беларусаў у Германіі. У прыватнасці, урад падрыхтуе […]
Святлана Ціханоўская: «У нас ёсць моцная міжнародная кааліцыя саюзнікаў»
Беларуская лідарка выступіла ў Берліне на першай сустрэчы Альянса групаў «За дэмакратычную Беларусь». Такія групы ўжо існуюць у 22 краінах свету. Удзел у мерапрыемстве ўзялі кіраўнікі парламенцкіх групаў з Аўстрыі, Францыі, Грузіі, Германіі, Італіі, Латвіі, Літвы, Люксембурга, Малдовы, Нарвегіі, Польшчы, Партугаліі і Іспаніі. Анлайн далучыліся парламентарыі з Ірландыі, ЗША і Украіны. У прамове Святлана Ціханоўская […]
Выступ Святланы Ціханоўскай на сустрэчы групаў «За дэмакратычную Беларусь» у Берліне, 2023
«Паважаныя Герхард Валерс, Юазас Алекас, Поль Галес, Аніка Глогоўскі-Мертэн, Марка Фібер, Шаноўнае спадарства, паважаныя калегі, Сябры дэмакратычнай Беларусі, Я вельмі радая, што мы нарэшце сабраліся тут, у Берліне. Мы працавалі над арганізацыяй сённяшняга мерапрыемства на працягу многіх месяцаў. І дазвольце мне пачаць са слоў падзякі паважанаму Фонду імя Конрада Адэнаўэра за магчымасць правесці яго. Дзякую […]
Святлана Ціханоўская прыняла ў сваім Офісе новага амбасадара Чэхіі
Алеш Опата будзе прадстаўляць інтарэсы Чэхіі ў Літве, а таксама падтрымліваць сувязь з дэмакратычнымі сіламі Беларусі. Падчас размовы беларуская лідарка і Алеш Опата абмеркавалі пытанні легалізацыі беларусаў у Чэхіі, у тым ліку выдачу пашпартоў замежніка для нашых грамадзянаў, якія не могуць вярнуцца дамоў. Такі пашпарт ужо атрымала юная беларуска Вара, якая дапамагае нашым добраахвотнікам ва […]
Юная беларуска, якая дапамагае добраахвотнікам ва Украіне, атрымала пашпарт замежніка ў Чэхіі
Святлана Ціханоўская: «Сябры, памятаеце цудоўную дзяўчынку Вару? Маленькая беларуска два гады збірала на дрон, а потым перадала яго байцам Палка Кастуся Каліноўскага разам з кранальным лістом. Здавалася, у гісторыі пастаўлена кропка. Але я не дарма звала Вару нашай маленькай гераіняй! У такім юным узросце яна кожны дзень робіць добрыя справы і з усіх сіл імкнецца дапамагчы […]
Беларуска-ўкраінскі форум Астрожскіх: праекты па прававой экспертызе і спецпрадстаўнік Беларусі ў Вярхоўнай Радзе
4-5 лістапада ў Львове прайшоў другі беларуска-ўкраінскі форум імя Астрожскіх, дзе абмяркоўваліся разнастайныя фарматы ўзаемадзеяння між краінамі. З беларускага боку ўдзел узялі прадстаўнікі Офіса Святланы Ціханоўскай, Аб’яднанага Пераходнага Кабінета, Палка Кастуся Каліноўскага, а таксама палітычныя эксперты. Падчас сустрэчы яны разам з украінскімі палітыкамі і дэпутатамі Вярхоўнай Рады шукалі рашэнні актуальных праблем беларусаў ва Украіне. Вынікам […]
Швецыя прызначыла спецпасланніка па сувязях з дэмакратычнай Беларуссю
Святлана Ціханоўская сустрэлася з міністрам замежных справаў Швецыі Тобіасам Більстрамам. Бакі абвясцілі аб прызначэнні Швецыяй спецпасланніка па сувязях з дэмакратычнай Беларуссю. Яго сфера адказнасці – праца з беларусамі ў выгнанні, супрацоўніцтва з дэмсіламі, умацаванне міжнародных адносінаў. Пост заняла Крысціна Юханесан, былая амбасадарка Швецыі ў Беларусі. Швецыя далучылася да Францыі, Эстоніі, Літвы, Польшчы, якія раней таксама […]
Святлана Ціханоўская распавяла пра планы на працоўны візіт у Берлін
«На наступным тыдні мы з камандай наведаем Берлін. Тут будзе створаны Альянс «За дэмакратычную Беларусь», куды ўвойдуць дзясяткі парламенцкіх групаў з розных краінаў свету. Мы збярэмся разам, каб выпрацаваць агульную стратэгію па Беларусі. Абмяркуем, якім чынам дапамагчы беларусам не толькі за мяжой, але і ўнутры краіны. Падчас візіту я сустрэнуся са спікеркай Бундэстагу, камітэтам па […]
Аўтамабілям з расійскімі нумарамі забаранілі знаходзіцца ў Латвіі пасля 14 лютага 2024 года
Сейм Латвіі канчаткова прыняў папраўкі, якія забараняюць знаходжанне ў Латвіі аўтамабіляў з расійскай рэгістрацыяй. Па новых правілах, уладальнікі расійскіх аўто павінны перарэгістраваць іх на працягу 3,5 месяца або вывезці машыну з краіны. Пасля 14 лютага 2024 года аўтамабілі з расійскімі нумарамі змогуць знаходзіцца ў Латвіі толькі транзітам. Парушальнікаў новых правілаў улады Латвіі будуць штрафаваць, а іх аўто […]
Давайце сёння ўспомнім нашых герояў
Святлана Ціханоўская: «Дзяды – важны дзень для беларусаў яшчэ са старажытных часоў. Сёння, згодна з традыцыяй, беларусы наведаюць магілы родных, блізкіх і сяброў. З цеплынёй, але і з болем у душы, мы згадаем родных і блізкіх, якія больш не з намі. Але ж беларусы – гэта вялікая сям’я. Таму сёння давайце разам успомнім нашых беларускіх […]
Святлана Ціханоўская адказвае на пытанні беларусаў
Чытачы «Настоящего Времени» папрасілі Ціханаўскую распавесці пра тое, як яна спраўляецца са стрэсам. Святлана Ціханоўская: «Ніяк не спраўляюся, я жыву ў ім. Я не карыстаюся ніякімі тэрапіямі, я сама сабе псіхааналітык і псіхолаг. Можа быць, я ўжо прызвычаілася з гэтым неяк, жыць у пастаянным стрэсе. Імкнуся, а што рабіць? Апусціць рукі і ўсё?»
Ціханоўская распавяла, як ідзе праца над новым беларускім пашпартам
«Амаль кожны дзень я атрымліваю паведамленні ад беларусаў пра праблемы з пашпартамі і легалізацыяй. Мне пішуць з надзеяй даведацца, як прасоўваецца запуск праекту новага беларускага пашпарта. І я вырашыла расказаць апошнія навіны тут. Цяпер мы на этапе вытворчасці першых узораў пашпарта. Мы пачалі працэс закупкі матэрыялаў для іх друку. Пасля таго як будуць гатовыя першыя […]
10 лістапада ў Таліне пройдзе беларуска-эстонская Канферэнцыя
10 лістапада ў Таліне пройдзе першая беларуска-эстонская Канферэнцыя. Мерапрыемства арганізаванае міністэрствам замежных справаў Эстоніі ў супрацоўніцтве з Офісам Святланы Ціханоўскай, эстонскім Інстытутам правоў чалавека і Еўрапейскім фондам дэмакратыі. Аб правядзенні такой Канферэнцыі было дамоўлена ў чэрвені 2023 года падчас сустрэчы Святланы Ціханоўскай з міністрам замежных справаў Эстоніі Маргусам Цахкна. На адкрыцці Канферэнцыі выступіць Святлана Ціханоўская […]
«А тата мяне павіншуе?» Святлана Ціханоўская распявала пра тое, як дзеці чакаюць звестак ад бацькі
У інтэрв'ю Радыё Свабодзе беларуская лідарка распавяла пра Сяргея Ціханоўскага: «Ужо 7 месяцаў я не ведаю нічога пра Сяргея. Адвакаты не маюць доступу ў турму. Лісты дзецям не прыходзяць. Агнія малюе рысункі тату і кожны дзень пытаецца пра яго. Вось у яе хутка будзе дзень народзінаў і яна пытаецца: а тата мяне павіншуе? Такое вось дзіцячае […]
Куды звяртацца па дапамогу? Пачала працу служба «Адно акно»
На мінулым тыдні прадстаўніцтва Аб’яднанага Пераходнага Кабінета па сацыяльнай палітыцы запусціла інфармацыйна-кансультацыйную службу «Адно акно», дзе кожны беларус і беларуска змогуць атрымаць бясплатную дапамогу. На дадзены момант у базе службы 245 арганізацый, якія аказваюць юрыдычную, медыцынскую, псіхалагічную і фінансавую дапамогу беларусам ці адказваюць за вырашэнне розных сацыяльных пытанняў. У гэтым спісе – недзяржаўныя арганізацыі, мясцовыя ініцыятывы за […]