У 2025 годзе каманда Офіса і Місіяў працавала па некалькіх ключавых напрамках: вызваленне палітвязняў і падтрымка рэпрэсаваных, непрызнанне імітацыі выбараў 2025 года, прававыя і міжнародна-прававыя механізмы адказнасці, бяспека і стратэгія, падтрымка беларусаў у краіне і ў выгнанні, моладзевая і жаночая палітыка, культурніцкая дыпламатыя і міжнародная прысутнасць.
1) Вызваленне палітвязняў і дапамога рэпрэсаваным
Галоўны вынік года — вызваленне больш за 200 палітычных зняволеных у выніку дыпламатычнай працы дэмакратычных сілаў і грамадзянскай супольнасці з урадам ЗША.
Дадаткова ў 2025 годзе:
- Люксембург, Латвія і Нарвегія накіравалі ў Міжнародны гуманітарны фонд каля 530 000 еўра — на дапамогу і рэабілітацыю рэпрэсаваных.
- Прайшоў ІІ Кангрэс па палітвязнях у Беларусі WithoutJustCause, працягвалася міжнародная каардынацыя з украінскімі і еўрапейскімі партнёрамі, а таксама праца па канкрэтных кейсах атрымання міжнароднай абароны.
2) Кампанія «Бязвыбары-2025» і міжнароднае непрызнанне імітацыі выбараў
Дэмакратычныя сілы правялі скаардынаваную кампанію непрызнання так званых выбараў, якія прайшлі 26 студзеня.
Асноўныя вынікі:
- рэжым не здолеў легітымізавацца праз выбарчую імітацыю;
- колькасць дзяржаваў, якія не прызналі вынікі, удвая перавысіла колькасць тых, хто павіншаваў Лукашэнку;
- дэмакратычныя сілы захавалі міжнародную палітычную легітымнасць.
3) Справядлівасць і правы чалавека: сістэмныя прававыя рашэнні
У 2025 годзе падрыхтаваныя і прынятыя асновы для будучай справядлівай трансфармацыі:
- прынятая канцэпцыя люстрацыі для Беларусі;
- падрыхтаваная канцэпцыя Інстытута нацыянальнай памяці Беларусі (прэзентацыя плануецца ў 2026 годзе);
- распрацаваныя policy papers па міжнароднай адказнасці рэжыму Лукашэнкі і па выключэнні беларусаў з чырвоных спісаў Інтэрпола;
- праведзены сайд-івэнты ў ААН па сітуацыі з правамі чалавека ў Беларусі.
Юрыдычны дэпартамент Офіса ў 2025 годзе:
- распачаў міжнародную кампанію па выключэнні беларусаў з пераследу праз Інтэрпол;
- стварыў рабочыя групы па міграцыі ў ЗША, Польшчы, Грузіі, Арменіі і іншых краінах;
- каардынаваў дапамогу дэпартаваным і рэпрэсаваным беларусам.
Дзякуючы паслядоўнай працы былі вызваленыя і атрымалі абарону (сярод іншых): Артур Сенько (ЗША), Анатоль Бокун, Канстанцін Сярогін, Андрэй Гнёт (супольна з НАУ і праваабаронцамі).
4) Стратэгія, бяспека і аналіз
Red Paper стаў флагманскім аналітычным прадуктам 2025 года і прапанаваў комплексную рамку беларускай бяспекі. У трох рэдакцыях дакумента прааналізаваныя шэсць вымярэнняў бяспекі Беларусі і сфармуляваныя практычныя рэкамендацыі — ад вайсковай і палітычнай бяспекі да сацыяльнай і інфармацыйнай. Праца вялася ў партнёрстве з трыма міжнароднымі арганізацыямі і з удзелам дзясяткаў аўтараў і рэдактараў.
Таксама ў 2025 годзе Офіс арганізаваў афіцыйныя сайд-івэнты на ключавых міжнародных пляцоўках:
- сайд-івэнт на саміце NATO ў Гаазе “Zapad 2025 and Beyond”;
- міжнародную канферэнцыю ў Бруселі “Belarus: A Part of or Apart from Europe’s Security?” у партнёрстве з NATO Public Diplomacy Division.
5) Моладзь і будучыня
2025 год стаў важным этапам для маладзёжнай палітыкі дэмакратычных сілаў:
- маладзёжнае вымярэнне ўпершыню сістэмна інтэграванае ў стратэгічныя дакументы і міжнародную адвакацыю;
- каля 250 беларускіх магістрантаў атрымалі падтрымку праз еўрапейскія праграмы;
- больш за 850 000 еўра накіравана на адукацыю беларускай моладзі;
- беларуская моладзь уключаная ў працу Рады Еўропы, міжнародныя стажыроўкі і прафесійныя сеткі.
6) Жаночае лідарства
Офіс дэмакратычных сілаў Беларусі ў Празе стаў адной з ключавых пляцовак па развіцці жаночага лідарства. Разам з партнёрамі ў 2025 годзе:
- правёў Акадэмію жаночага палітычнага лідарства;
- правёў мерапрыемства Her Story, Our Future;
- умацоўваў еўрапейскія партнёрствы.
7) Культурніцкая дыпламатыя
Ад Дня Волі і ўгодкаў бітвы пад Оршай да экскурсіяў для дыпламатаў і працы з еўрапейскімі культурнымі сеткамі — Беларусь у 2025 годзе была прадстаўленая як еўрапейская нацыя з глыбокай гісторыяй і сучасным голасам.
Культурніцкая дыпламатыя; праз культурніцкія падзеі і праекты нагадваем пра Беларусь у свеце, умацоўваем партнёрствы і падтрымліваем беларускую ідэнтычнасць.
8) Міжнародная прысутнасць і прадстаўніцтва
У 2025 годзе Беларусь была прадстаўленая на ключавых міжнародных пляцоўках, у тым ліку: UNGA, Munich Security Conference, World Economic Forum. Упершыню — на 3 Seas Initiative, Euronest PA як паўнавартасная дэлегацыя.
Адкрыта прадстаўніцтва ў Фларэнцыі, з’явіліся прадстаўнікі ў Мадрыдзе і Кіеве. Адноўленыя дэпутацкія групы ў Германіі і Нарвегіі.
За год — 68 візітаў і каля 300 сустрэчаў высокага ўзроўню.
9) Прамыя кантакты з беларусамі
За 2025 год атрымана 2778 зваротаў з больш чым 38 краінаў. З іх каля 982 — з Беларусі або тыя, што тычыліся будучыні Беларусі і праблемаў, якія ёсць цяпер у краіне.
Адбыліся дзясяткі сустрэчаў з беларускай дыяспарай у розных краінах свету, да таго ж праведзена 10 асабістых размоваў са Святланай, якія наведалі больш за 45 чалавек (з 12 краінаў, акрамя Беларусі), атрымана каля 110 рэгістрацыяў.
