Анатоль Лябедзька распавёў пра вынікі Парламенцкай асамблеі Euronest

20 сакавіка Святлана Ціханоўская выступіла на афіцыйным адкрыцці 11-й сесіі Парламенцкай асамблеі Euronest у Бруселі.

Пра асноўныя вынікі Асамблеі распавёў дарадца Святланы Ціханоўскай па міжпарламенцкім супрацоўніцтве і Канстытуцыйнай рэформе Анатоль Лябедзька:

1. Дзесяць месцаў, прызначаных для Беларусі ў Парламенцкай Асамблеі, не пуставалі. Гэтыя месцы ў якасці назіральнікаў занялі прадстаўнікі дэмакратычных сілаў Беларусі. Дзесяць чалавек гаварылі адным голасам – пра скрадзены ў беларусаў выбар, еўрапейскую перспектыву для Беларусі і праблему палітвязняў.
2. Каманда Святланы Ціханоўскай і прадстаўнікі дэмакратычных сілаў прапанавалі арганізацыю рознахуткаснай інтэграцыі, узаемадзеяння і супрацоўніцтва з парламенцкімі супольнасцямі Украіны, Грузіі, Малдовы, Арменіі і Азербайджана. Гэта значыць, што з кожнай дэлегацыяй мы маем свой план адносінаў і супрацоўніцтва.

Падрабязней – глядзіце ў відэа.