• Навіны
  • Офіс
  • Новая Беларусь
  • Партнёры
  • Дапамога
  • Кантакты
  • Беларуская
  • Навіны
  • Офіс
  • Новая Беларусь
  • Партнёры
  • Дапамога
  • Кантакты
  • «Моцная дэмакратыя немагчымая без моцнай эканомікі»

    22 студзеня, 2025

    Святлана Ціханоўская трэці год запар бярэ ўдзел у Сусветным Эканамічным Форуме ў Давосе. Гэтым разам на івэнце «Будучыня Беларусі» беларуская лідарка падзялілася бачаннем таго, як нашая краіна будзе аднаўляцца пасля дыктатуры і рухацца да эканамічнага адраджэння.

    5 практычных крокаў, якія прапанавала беларуская лідарка:

    1. Стварыць умовы для вяртання на радзіму. Забяспечыць атмасферу, якая дазволіць прадпрыемствам, таленавітым прадпрымальнікам і экспертам вярнуцца ў Беларусь і прынесці з сабой фінансавы капітал, веды, досвед і кантакты.
    2. Зрабіць Беларусь канкурэнтаздольным і прывабным рынкам, адкрытым для інвестараў з усяго свету.
    3. Вярнуць Беларусі статус IT-краіны, вядомай выбітнымі стартапамі і ініцыятывамі.
    4. Інвеставаць у новыя тэхналогіі.
    5. Пачаць працэс еўраінтэграцыі і ўступіць у Раду Еўропы, каб вучыцца ў тых, хто ўжо прайшоў пераходны перыяд, скарыстацца іх лепшым практыкамі і не паўтараць памылак.

    Святлана Ціханоўская:
    «Акно магчымасцяў можа адкрыцца ў любы момант, і мы павінны быць да гэтага гатовыя. Таму сёння ў Давосе мы наладжваем сувязі з урадамі, парламентамі, глабальнымі карпарацыямі – гэта дапаможа зрабіць пераход хутчэйшым і плаўным. Вельмі важна, асабліва на пачатковым этапе, правесці ўсе неабходныя рэформы, падтрымаць прыватную ініцыятыву і прыцягнуць інвестыцыі ў Беларусь».

    Апошнія навіны