На палях саміту Еўрапейскай палітычнай супольнасці ў Дубліне Святлана Ціханоўская паразмаўляла з генеральным сакратаром АБСЕ Ферыдунам Сінірліаглу.
Абмеркавалі яго нядаўні візіт у Мінск і кантакты АБСЕ з рэжымам Лукашэнкі.
Ціханоўская заклікала генеральнага сакратара падчас кантактаў з Мінскам настойліва ўздымаць пытанні вызвалення палітвязняў, поўнага спынення рэпрэсій і спынення вайны Расіі супраць Украіны.
«Важна, каб кожны кантакт з рэжымам дапамагаў дамагчыся канкрэтных вынікаў — вызвалення людзей, спынення пераследу і крокаў да міру»,
— падкрэсліла Ціханоўская.
