21 верасня 2026 года на палях Тыдня высокага ўзроўню Генеральнай Асамблеі ААН адбудзецца міністэрскае мерапрыемства, прысвечанае пагрозам, якія стварае рэжым Лукашэнкі ў Беларусі і якія ўплываюць рэгіянальную і міжнародную бяспеку. У падзеі возьме ўдзел Святлана Ціханоўская.
Мерапрыемства правядуць Латвія і Еўрапейскі саюз сумесна з Эстоніяй, Ірландыяй, Літвой, Швецыяй і Украінай. Офіс Святланы Ціханоўскай выступіў суарганізатарам падзеі.
Удзельнікі і ўдзельніцы абмяркуюць сістэмныя рэпрэсіі ў Беларусі і іх сувязь з больш шырокімі выклікамі бяспецы, транснацыянальныя рэпрэсіі супраць беларусаў (-к) за мяжой і гібрыдныя пагрозы, у тым ліку інструменталізацыю міграцыі і дэзінфармацыю. Асобная ўвага будзе нададзена ролі Беларусі ў вайне Расіі супраць Украіны.
Спікеры і спікеркі:
- Кайса Оленгрэн, генеральная сакратарка Еўрапейскай службы знешніх сувязяў;
- Байба Бражэ, міністарка замежных спраў Латвіі;
- Андрэй Сібіга, міністр замежных спраў Украіны;
- Кястуціс Будрыс, міністр замежных спраў Літвы;
- Ален Бэрсэ, генеральны сакратар Савета Еўропы;
- Ніл Рычманд, дзяржаўны міністр Ірландыі па міжнародным развіцці і дыяспары;
- Марцін Роджэр, намеснік міністра замежных спраў Эстоніі;
- Гунар Альдэн, намеснік генеральнага дырэктара па глабальных пытаннях Міністэрства замежных спраў Швецыі;
- Святлана Ціханоўская, лідарка беларускіх дэмакратычных сіл;
- Джэймі Флай, генеральны дырэктар Freedom House.
🗓️ Дата і час: 21 верасня, 13:30–14:45
📌 Месца: Дэлегацыя Еўрапейскага саюза пры ААН, 666 Third Avenue, 31-ы паверх, Нью-Ёрк
🔗 Падрабязнасці: https://www.eeas.europa.eu/delegations/un-new-york/belarus-accomplice-russias-war-against-ukraine-and-threat-international-security_en
