Місія дэмакратычных сілаў Беларусі ва Украіне ўводзіць сацыяльныя прыёмныя дні для беларусаў і беларусак, якія жывуць ва Украіне. Звярнуцца па дапамогу можна будзе асабіста або па тэлефоне.
У Місіі дапамогуць вам разабрацца ў вашай сітуацыі, знайсці неабходную інфармацыю і вызначыць, куды звяртацца для вырашэння праблемы.
З якімі пытаннямі можна звяртацца?
- легалізацыя ва Украіне;
- праходжанне ваеннай службы і звальненне са службы;
- правы ваеннаслужачых і ветэранаў;
- сацыяльныя і медыцынскія пытанні;
- дакументы і выплаты для членаў сем’яў ваеннаслужачых і загінулых;
- іншыя праблемы, з якімі сутыкаюцца беларусы і беларускі ва Украіне.
Як звярнуцца ў сацыяльную прыёмную?
Каб у Місіі маглі загадзя азнаёміцца з тэмай звароту, падрыхтаваць неабходную інфармацыю і арганізаваць прыём, неабходна папярэдне зарэгістравацца праз форму рэгістрацыі.
Першы прыёмны дзень — 15 кастрычніка.
- Асабісты прыём: з 10:00 да 15:00.
- Тэлефонныя звароты: з 16:00 да 18:00.
Важна ведаць
Сацыяльная прыёмная не замяняе дзяржаўныя органы, адвакатаў або іншыя кампетэнтныя ўстановы і не можа прымаць рашэнні замест іх.
Пра магчымыя змены можна даведацца ў Facebook Місіі: https://www.facebook.com/missionbelua/posts/pfbid02KLgfTEceVr1qEnTjrJvrhCXKaHYZz6J2WyBMaStUknF22i9kygV5D5Q6eZ2YqUFhl
