Мова, адукацыя, культура і інфармацыйная прастора — узаемазвязаныя напрамкі, ад стану якіх залежыць захаванне беларускай ідэнтычнасці і будучыня Беларусі. Сёння, як ніколі, гэтыя сферы сутыкаюцца з выклікамі, таму патрабуюць актуальных ацэнак, скаардынаваных падыходаў і рашэнняў. Прадстаўніцтва па нацыянальным адраджэнні Аб'яднанага Пераходнага Кабінета прэзентуе чатыры policy papers — па кожным з гэтых напрамкаў. Дакументы ўтрымліваюць аналіз сітуацыі, прагнозы развіцця, а таксама канкрэтныя рэкамендацыі.

Арганізатары:
Прадстаўніцтва па нацыянальным адраджэнні Аб'яднанага Пераходнага Кабінета

Рэгістрацыя:
https://surl.lt/bwdxnc

Чым стане штучны інтэлект для будучай Беларусі? У дыскусіі ў фармаце «за» і «супраць» пагаворым пра магчымасці ШІ для дэмакратыі, бяспеку даных і рызыкі выкарыстання новых тэхналогій прапагандай. Ці можа ШІ стаць саюзнікам дэмакратычных пераўтварэнняў — або ён непазбежна ператвараецца ў інструмент нагляду і маніпуляцый?

Адказ на гэтае пытанне — не толькі ў тэорыі. Упершыню будзе прадстаўленая новая платформа, якая з дапамогай ШІ аналізуе фінансавы стан беларускіх дзяржпрадпрыемстваў і прапануе сцэнары іх трансфармацыі ў межах будучай рэформы дзяржсектара. Гэта рэальны прыклад таго, як штучны інтэлект ужо сёння працуе на дэмакратычныя пераўтварэнні — і магчымасць убачыць будучыню рэформаў на свае вочы.

Арганізатары:
Прадстаўніцтва па эканоміцы і фінансах Аб’яднанага Пераходнага Кабінета

Рэгістрацыя:
https://surl.li/trrxsv

Ёсць ідэя — давайце абмяркуем! Рэжым імкнецца выцесніць выбары з агульнабеларускага парадку дня, дэмакратычным сілам складана дагрукацца да беларусаў у замежжы, а дыяспары ў многіх краінах застаюцца раз’яднанымі. Ці могуць адказам стаць мясцовыя рады — «соймікі», якія беларусы абіралі б у сваіх супольнасцях? Пагаворым, ці патрэбнае такое прадстаўніцтва, як яно магло б працаваць і ці здольнае яно аб’яднаць беларусаў за мяжой.

Арганізатары:
Анатоль Лябедзька, дарадца Святланы Ціханоўскай па парламенцкім супрацоўніцтве і канстытуцыйнай рэформе, і цэнтр «Еўрапейскі Дыялог»

Рэгістрацыя:
https://forms.gle/mf6KKcQGrAS9Wp2X6

Рэпрэсіі, вымушаная эміграцыя, скарачэнне фінансавай падтрымкі — ці здольная беларуская грамадзянская супольнасць не толькі выжыць, але і захаваць уплыў?

Падчас мерапрыемства будуць прадстаўлены вынікі ацэнкі Індэкса ўстойлівасці беларускіх арганізацый грамадзянскай супольнасці, якая вядзецца з 2000 года. Індэкс пакажа рэальны стан сектара, а дыскусія пасля прэзентацыі — што патрэбна, каб грамадскія арганізацыі і ініцыятывы заставаліся рухавіком пераменаў.

Арганізатары:
CSO Fusion

Мова мерапрыемства — беларуская. Будзе забяспечаны сінхронны пераклад на англійскую мову.

Рэгістрацыя (да 6 жніўня):
https://forms.office.com/e/CBbSquPYrZ

Мінск у жніўні 2020 года гаварыў мовай свабоды, салідарнасці і надзеі. Фотаздымкі гарадскога пратэстнага мастацтва, бел-чырвона-белыя сцягі з асабістымі гісторыямі беларусаў, а таксама відэаінсталяцыі вернуць у атмасферу горада, які аб’яднаўся і паверыў у перамены. Выстава працуе з 5 да 23 жніўня.

Арганізатары:
Музей Вольнай Беларусі

Месца:
Музей Вольнай Беларусі, ul. Foksal 11, Варшава

Уваход вольны

Беларусь стала лабараторыяй сучаснага аўтарытарызму, дзе адпрацоўваюцца механізмы рэпрэсіяў і пераследу іншадумцаў: «экстрэмісцкія» спісы, пашпартны ўказ, справа ЕГУ, пераслед праз Інтэрпол. Як гарантаваць бяспеку актывістаў унутры краіны і за мяжой? Як палепшыць юрыдычную дапамогу? Як наладзіць супрацу з урадамі і міжнароднымі арганізацыямі, каб супрацьдзейнічаць транснацыянальным рэпрэсіям?

Беларуская ідэнтычнасць сёння на вастрыі атакі з боку ідэалогіі «рускага свету» і палітыкі дзяржаўнай русіфікацыі. Асабліва гэта адчувальна на ўзроўні сістэмы адукацыі, якая найбольш задзейнічаная ў пабудове ідэнтычнасці. Калі сёння адукацыя ў Беларусі – гэта інструмент дзяржаўнага ідэалагічнага кантролю і праваднік каланіяльных установак і практык, шырокамаштабных рэпрэсій, як павінна на гэта асіметрычна рэагаваць беларуская дэмакратычная супольнасць у эміграцыі? Беларуская дыяспара сёння – адзінае магчымае месца захавання нацыянальнай ідэнтычнасці, гуманітарных ведаў і культуры.

Беларуская дзяржава перастала выконваць базавыя абавязкі перад значнай часткай сваіх грамадзянаў, а ў многіх выпадках сама стала крыніцай пагрозы. У выніку беларуская супольнасць вымушана ствараць элементы ўласнай сістэмы сацыяльнай абароны па-за дзяржавай і праз нацыянальныя межы. Ці можам мы перайсці ад разрозненай салідарнай дапамогі да беларускай транснацыянальнай сістэмы сацыяльнай абароны, якая працуе і для людзей унутры краіны, і за мяжой?