28 жніўня ў Даніі адбыўся публічны івэнт, прысвечаны Беларусі, арганізаваны пры ўдзеле выдання Politiken. На сцэне выступілі Святлана Ціханоўская і Сяргей Ціханоўскі.
У зале сабраліся каля 150 чалавек: прадстаўнікі грамадзянскай супольнасці, дыпламаты з розных краінаў, журналісты, актывісты і людзі, зацікаўленыя сітуацыяй у Беларусі.
Асноўныя тэмы сустрэчы:
- Вызваленне палітвязняў: гаварылі пра вызваленне Сяргея Ціханоўскага і пра крокі дзеля вызвалення іншых.
- Намаганні амерыканскай адміністрацыі для вызвалення палітвязняў і камунікацыя з камандай Дональда Трампа.
- Еўрапейскія санкцыі: іх эфектыўнасць і ўплыў на рэжым Лукашэнкі.
- Злачынствы рэжыму: катаванні, ізаляцыя, інкамунікада, умовы ў турмах; важнасць збору доказаў.
- Вайна ва Украіне: як беларусы падтрымліваюць украінцаў.
Ціханоўская адзначыла, што цяпер няма аднаго яснага сцэнарыя пераменаў для Беларусі, але вельмі патрэбная падтрымка незалежных медыя, праваабаронцаў, журналістаў, культурніцкіх ініцыятываў.
Сяргей Ціханоўскі распавёў пра сваю сітуацыю, пра вызваленне і свае планы на далейшую дзейнасць.
Данія актыўна ўдзельнічае ва ўсіх міжнародных ініцыятывах: у шэрагу працэсаў у межах АБСЕ і ААН, а таксама менавіта тут дзейнічае Міжнародная платформа збору доказаў злачынстваў Лукашэнкі.
Такія мерапрыемствы дапамагаюць прыцягваць увагу міжнароднай супольнасці да Беларусі.
