6 снежня ў Еўрапарламенце прайшоў Міжпартыйны Форум «8+100», на якім сабраліся прадстаўнікі беларускіх і еўрапейскіх палітычных партыяў. У выніку Форуму Еўрапарламент прыняў рэзалюцыю аб сітуацыі з палітвязнямі ў Беларусі.
Паводле рэзалюцыі, ад рэжыму патрабуецца неадкладна вызваліць Мікалая Статкевіча, ад якога няма звестак цягам 300 дзён, як і ўсіх іншых палітвязняў. У адпаведнасці з дакументам, для палітвязняў павінны правесці рэабілітацыю і выплаціць фінансавую кампенсацыю нанесенай шкоды.
Еўрадэпутаты выступілі з заклікам дакументаваць усе злачынствы рэжыму, каб прыцягнуць яго памагатых да адказнасці.
