У Капенгагене Святлана Ціханоўская правяла сустрэчу з Аляксандрам Мярэжкам. У дзень памяці абаронцаў Украіны яна выказала словы спачування ў сувязі з гібеллю мірных жыхароў у выніку расійскіх ракетных удараў.
Бакі абмеркавалі перспектывы супрацоўніцтва паміж дэмакратычнымі сіламі Беларусі і Вярхоўнай Радай Украіны, а таксама з парламенцкай групай «За дэмакратычную Беларусь». Ціханоўская нагадала, што ў жніўні прызначыла Святлану Шаціліну кіраўніцай місіі дэмакратычнай Беларусі ў Кіеве. Там яна будзе займацца камунікацыяй з уладамі, грамадзянскай супольнасцю і беларускай дыяспарай.
Ціханоўская адзначыла:
«Сёння мы згадваем усіх палеглых за Украіну, у тым ліку нашых суграмадзян, якія з 2014 года змагаюцца на яе баку. Больш за 80 беларусаў аддалі свае жыцці ў гэтай несправядлівай вайне. Мы памятаем адважных добраахвотнікаў і Полк Каліноўскага, і ўсіх, хто працягвае змагацца за свабоду. Украіна змагаецца і за нашу свабоду таксама. Слава Украіне! Жыве Беларусь!»
