Кожны можа стаць чальцом Руху цяпер. Вось яго Маніфест.
Коратка – галоўнае за дзень працы Руху:
#падтрымкаўкраінцаўібеларусаў
- Беларусы Вялікабрытаніі арганізавалі збор і дастаўку неабходных рэчаў для беларускіх добраахвотнікаў, якія ваююць за Украіну.
- Free Belarus Center і Fundacja Gotowi do działania пры падтрымцы пажарных горада Кенты Асвенцымскага павета адправілі ва Украіну гуманітарную дапамогу. Фура з медыкаментамі, сродкамі абароны, прадуктамі і прадметамі гігіены ўжо дабралася з Варшавы ў Кіеў.
- Free Belarus Center з пачатку вайны арганізаваў ужо 32 эвакуацыйныя аўтобусы – і працягвае рабіць гэта. Таксама яны арганізавалі перавалачны пункт для ўцекачоў у Кіеве.
- Чат-бот «Движение Большинства» @CoordinationCouncilBot ад Каардынацыйнай Рады запусціў заданне ў падтрымку ўкраінскіх вытворцаў.
- Фонд BYSOL закупіў джып для медыкаў, забраняваў яшчэ дзве машыны хуткай дапамогі і 70 бронекамізэлек. Таксама фонд зводзіць пастаўшчыкоў і пакупнікоў паміж сабой і дапамагае даслаць ва Украіну тысячы адзінак абарончай экіпіроўкі.
- Святлана Ціханоўская і яе каманда правялі тэлефанаванне з ініцыятывамі (фонд BYSOL, Цэнтр Беларускай Салідарнасці, Фонд Медыцынскай салідарнасці, Беларусы Амерыкі, беларусы Францыі і беларусы Чэхіі), якія ў межах Антываеннага Руху займаюцца дапамогай для беларускіх добраахвотнікаў і ўкраінцаў, – і дамовіліся пра сумесную працу.
- У Вільні прайшоў дабрачынны канцэрт у падтрымку Украіны. У ім прынялі ўдзел беларускія, украінскія і літоўскія выканаўцы.
#непадпарадкаванне
- «Не вайне» – студэнты БДУІР выказваюць сваё меркаванне.
#інфармацыйныфронт
- «Честные люди» выкрываюць тэзісы прапаганды. Прачытайце, раскажыце сваякам, якія глядзяць тэлевізар, а яшчэ лепш – раздрукуйце ўлётку і распаўсюдзіце.
Далучайцеся да Беларускага Антываеннага Руху – кожны можа выбраць даступныя дзеянні і тым самым падтрымаць Рух.
