• Навіны
  • Офіс
  • Новая Беларусь
  • Партнёры
  • Кантакты
  • Беларуская
  • Навіны
  • Офіс
  • Новая Беларусь
  • Партнёры
  • Кантакты
  • Ціханоўская выступіла на Варшаўскім форуме па бяспецы

    06 кастрычніка, 2021

    Учора, 5 кастрычніка, Святлана Ціханоўская выступіла на Варшаўскім форуме па бяспецы. Вось пераклад галоўных фрагментаў яе выступу:

    • Пра трагедыю 29 верасня:

    «Загінулі два маладыя беларусы0, а дзве сям'і страцілі мужоў і бацькаў. Пасля гэтай трагедыі больш за 100 чалавек былі арыштаваныя за публікацыю «негатыўных каментароў» у інтэрнеце пра падзею. Гэтая трагедыя – вынік тэрору з боку рэжыму на працягу апошняга года».

    • Пра адносіны Беларусі і Расіі:

    «Цяпер Лукашэнка спрабуе знайсці рэсурсы ўсюды, дзе можна, і ён гатовы падвергнуць рызыцы эканамічную, ваенную і палітычную незалежнасць Беларусі. І гэта нясе рызыкі для бяспекі ўсяго рэгіёну. Ідэю інтэграцыі з Расіяй часта падаюць як волю народа, але ў рэальнасці большасць беларусаў страціла настальгію па СССР. Нават афіцыйныя дадзеныя сацыёлагаў паказваюць, што абсалютная большасць хоча, каб Беларусь будавала адносіны з Расіяй гэтак жа, як і з усімі іншымі суседзямі.

    Беларускія дэмакратычныя сілы не выступаюць за разрыў партнёрства паміж Беларуссю і Расіяй. Але мы ўпэўненыя, што адносіны паміж нашымі краінамі павінны быць празрыстымі і грунтавацца на вяршэнстве закону. І мы заклікаем міжнародную супольнасць не прызнаваць дакументы, падпісаныя Лукашэнкам ці яго нелегітымным урадам».

    • Пра новую Беларусі:

    «У новай Беларусі без Лукашэнкі не будуць патрэбныя перастрэлкі, таемныя ўгоды і атакі на мяжы. Нам будуць патрэбныя сябры на Усходзе і Захадзе, каб аднавіць давер і дыялог. Давайце рыхтавацца да гэтага ўжо сёння».

    Увесь тэкст выступу на англійскай мове – на сайце Святланы Ціханоўскай.

    Варшаўскі форум па бяспецы – штогадовая канферэнцыя, у арганізацыі якой удзельнічаюць МЗС, Бюро нацыянальнай бяспекі Польшчы, Фонд імя Казімежа Пуласкага і штаб-кватэра НАТА.

    Апошнія навіны