Офіс Святланы Ціханоўскай, Аб’яднаны Пераходны Кабінет і Каардынацыйная рада прапануюць для грамадскага абмеркавання праект Стратэгіі пераходу да Новай Беларусі.
Што такое Стратэгія пераходу да Новай Беларусі?
Стратэгія пераходу да Новай Беларусі – гэта план дзеянняў, накіраваны на пераход ад аўтарытарнага кіравання да дэмакратычнага.
Стратэгія стартуе з пачатку транзіту ўлады ў краіне і разлічана на шэсць гадоў. За гэты перыяд у краіне двойчы будуць арганізаваны сумленныя выбары парламента і прэзідэнта.
Першы этап доўжыцца не больш за 180 дзён. На працягу гэтага часу праводзяцца першыя сапраўды дэмакратычныя выбары, якія азначаюць пераход ад старых лідараў да новых.
📌 Чаму Стратэгія пераходу да Новай Беларусі патрэбна ўжо зараз?
Бо яшчэ дакладна невядома, як і калі адбудзецца пераход ад дыктатуры да дэмакратыі.
Важна быць гатовымі да пераходнага перыяду ўжо зараз. Да пачатку транзіту ўлады ў нас павінны быць дакументы, якія апісваюць прапанаваныя рэформы і першачарговыя праекты законаў. Прапанаваная намі Стратэгія – гэта план, які дапамагае зразумець, якія менавіта крокі і ў якой паслядоўнасці трэба зрабіць, каб дасягнуць дэмакратыі.
Пераход ад аўтарытарызму да дэмакратыі суправаджаецца мноствам рызыкаў і нявызначанасцяў. Стратэгія ўлічвае розныя сцэнары транзіту ўлады: ад перамоўнага працэсу да зменаў пад ціскам грамадства ці вонкавых фактараў. Незалежна ад кантэксту, Стратэгія застаецца актуальнай. Канкрэтныя дзеянні будуць залежаць ад сітуацыі, але Стратэгія – гэта наша асноўнае кіраўніцтва для пераходу да дэмакратыі.
Чаму Ваш удзел крытычна важны?
Магчыма, у Стратэгіі ёсць пункты, якія маюць патрэбу ў дапрацоўцы ці ўдакладненні. Вашыя прапановы могуць стаць ключавымі.
Чытайце дакумент, прапануйце свае ідэі і каментары. Дзяліцеся інфармацыяй з сябрамі і знаёмымі.
Нашыя дзеянні сёння вызначаюць, якой будзе Беларусь заўтра. Унясіце свой уклад у стварэнне Новай Беларусі.
Праект Стратэгіі пераходу да Новай Беларусі даступны для чытання і спампоўкі:
Вашыя прапановы аб удасканаленні Стратэгіі дасылайце ў тэлеграм-бот @AskOffice_Bot.
Абмеркаваць Стратэгію, а таксама падзяліцца ідэямі і каментарамі запрашаем на платформе Новая Беларусь.
Калі вы знаходзіцеся ў Беларусі, калі ласка, выкарыстоўвайце VPN і паклапаціцеся аб сваёй лічбавай бяспецы.
Структура
З якіх дакументаў складаецца Стратэгія пераходу да Новай Беларусі
- Аднаўленне канстытуцыйнага парадку
1.1. праект Канстытуцыі Рэспублікі Беларусь;
1.2. праекты законаў у развіццё праекта Канстытуцыі новай Беларусі
- Правядзенне дэмакратычных выбараў
2.1. праекты пастаноў ЦВК для правядзення дэмакратычных выбараў на аснове дзейнага Выбарчага кодэкса;
2.2. праект Выбарчага кодэкса ў новай рэдакцыі (павінен быць распрацаваны);
2.3. праект Рэгламенту парламента.
- Забеспячэнне працы сістэмы дзяржаўнага кіравання і падавання паслугаў насельніцтву
3.1. канцэпцыя рэформы сістэмы дзяржкіравання;
3.2. праект закона аб доступе да публічнай інфармацыі і абароне персанальных дадзеных (павінен быць распрацаваны);
3.3. праект закона аб дзяржслужбе (павінен быць распрацаваны)
3.4. праект этычнага кодэкса дзяржслужачага (павінен быць распрацаваны);
3.5. праект закона аб Камітэце па этыцы дзяржаўнай службы і супрацьдзеянні карупцыі (павінен быць распрацаваны);
3.6. Канцэпцыя мясцовага самакіравання для Новай Беларусі;
3.6.1. праект закона аб мясцовым самакіраванні ў новай рэдакцыі (павінен быць распрацаваны);
3.7. праект рэформаў у сацыяльнай сферы (павінен быць распрацаваны).
- Аднаўленне законнасці і справядлівасці
4.1. Канцэпцыя правасуддзя пераходнага перыяду для Беларусі:
4.1.1. крымінальны пераслед асоб, вінаватых у парушэннях правоў чалавека (павінен быць распрацаваны);
4.1.2. устанаўленне ісціны аб злачынствах (павінен быць распрацаваны);
4.1.3. праект Канцэпцыі кампенсацыі шкоды рэпрэсаваным асобам
4.1.4. гарантыі непаўтору правапарушэнняў (павінен быць распрацаваны).
4.2. Канцэпцыя пераходнай справядлівасці, аднаўлення законнасці і нацыянальнага прымірэння;
4.3. Канцэпцыя рэформы праваахоўных органаў (павінен быць распрацаваны);
4.4. праект закона аб Упаўнаважаным па правах чалавека (павінен быць распрацаваны);
4.5. праект закона аб Камітэце па наглядзе за дзейнасцю службаў разведкі і бяспекі (сілавых органаў) (павінен быць распрацаваны);
4.6. праект новай рэдакцыі закона аб адвакатуры і адвакацкай дзейнасці (павінен быць распрацаваны);
4.7. праект новай рэдакцыі закона аб пракуратуры (павінен быць распрацаваны);
4.8. Канцэпцыя рэформы Канстытуцыйнага Суда;
4.8.1. праект закона аб Канстытуцыйным Судзе;
4.9. праект закона аб Нацыянальнай радзе правасуддзя (павінен быць распрацаваны);
4.10. праект змяненняў і дапаўненняў у Кодэкс аб судаўладкаванні і статусе суддзяў (павінен быць распрацаваны);
4.11. Канцэпцыя сістэмы падрыхтоўкі і адбору кандыдатаў на пасаду суддзі (павінен быць распрацаваны).
- Знешняя палітыка і захаванне міжнародных абавязацельстваў
5.1. вынікі ацэнкі міжнародных дагавораў, падпісаных пачынаючы з 20 ліпеня 1994 г., на прадмет абмежавання імі дзяржаўнага суверэнітэту і адпаведнасці іх нацыянальным інтарэсам Рэспублікі Беларусь (павінен быць распрацаваны);
5.2. праект новай Канцэпцыі знешняй палітыкі Беларусі, заснаванай на нацыянальных інтарэсах краіны (павінен быць распрацаваны).
- Забеспячэнне эканамічнай стабільнасці і развіцця
6.1. праект эканамічнага блока ў рамках праекта Пагаднення аб Асацыяцыі з ЕС (павінен быць распрацаваны);
6.2. Дарожная карта зняцця санкцый у дачыненні да Беларусі ў выпадку дэмакратычнага транзіту (павінен быць распрацаваны);
6.3. праект Канцэпцыі праграм амністыі капіталу і падатковай амністыі (павінен быць распрацаваны);
6.4. праект механізмаў будучых рэформаў сектара дзяржаўных прадпрыемстваў, пенсіённай рэформы, механізмаў забеспячэння энергетычнай бяспекі, развіцця зялёнай эканомікі (павінен быць распрацаваны);
- Аднаўленне ўмоваў для развіцця грамадзянскай супольнасці і палітычнага плюралізму
7.1. праект Інструкцыі па спрошчанай працэдуры рэгістрацыі палітычных партый, арганізацый грамадзянскай супольнасці, сродкаў масавай інфармацыі ў рамках дзейнага заканадаўства, а таксама аб аднаўленні юрыдычнага статусу ліквідаваных у перыяд рэпрэсій арганізацый грамадзянскай супольнасці, палітычных партый і СМІ (павінен быць распрацаваны);
7.2. праект новай рэдакцыі закона “Аб палітычных партыях”;
7.3. праект новай рэдакцыі закона “Аб грамадскіх аб’яднаннях” (павінен быць распрацаваны);
7.4. праект новай рэдакцыі закона “Аб свабодзе сумлення і рэлігійных арганізацыях” (павінен быць распрацаваны);
7.5. праект новай рэдакцыі закона “Аб прафесійных саюзах” (павінен быць распрацаваны);
7.6. праект новай рэдакцыі закона “Аб сродках масавай інфармацыі і камунікацыі” (павінен быць распрацаваны);
7.7. праект новай рэдакцыі закона “Аб масавых мерапрыемствах” (павінен быць распрацаваны).
- Асноўныя крокі нацыянальнага развіцця ў пераходны перыяд
8.1. вынікі ацэнкі нарматыўных прававых актаў і рашэнняў дзяржаўных органаў, якія прыводзяць да дыскрымінацыі беларускай мовы і культуры (павінны быць распрацаваны);
8.2. Канцэпцыя рэформы па падтрымцы і папулярызацыі беларускай культуры і пашырэнні сферы выкарыстання беларускай мовы (у распрацоўцы).
8.3. дарожныя карты рэформаў па чатырох напрамках (дашкольная, школьная, вышэйшая адукацыя, НАН) (у распрацоўцы);
8.4. экспертная ацэнка дзеючых нарматыўных дакументаў, звязаных са сферай адукацыі і навукі (неабходна распрацаваць);
8.5. канцэпцыя рэформы сістэмы адукацыі (павінна быць распрацавана).
- Забеспячэнне грамадскай падтрымкі рэформаў у пераходны перыяд
