У нашай краіне працягваюцца палітычныя рэпрэсіі і прававы дэфолт. Доступ да кваліфікаванай юрыдычнай дапамогі абмежаваны, а зварот за падтрымкай спалучаецца з рызыкай для бяспекі – асабліва калі ідзе размова пра справы з палітычнай матывацыяй.
З гэтых прычынаў сацыяльная служба дапамогі беларусам і беларускам «Адно акно» ў супрацоўніцтве з высокапрафесійнымі адвакатамі прапануюць выйсце – «гарачую лінію» з дзяжурствамі адвакатак(аў). Некалькі разоў на месяц у вас будзе магчымасць ананімна і бясплатна атрымаць юрыдычную кансультацыю.
Першая сесія – 5 красавіка з 15:00 да 17:00 па беларускім часе.
Як атрымаць кансультацыю?
5 красавіка з 15:00 да 17:00 дастаткова будзе зрабіць званок па спасылцы, каб ананімна задаць пытанні і атрымаць кваліфікаваную юрыдычную кансультацыю.
З якімі запытамі можна звяртацца?
⚪️ грамадзянска-прававыя (нерухомасць, правы спажыўцоў, спадчына і тэстаменты),
🔴 сямейнае права (развод, аліменты, падзел маёмасці, апякунства і г.д.),
⚪️ адміністрацыйнае права (штрафы, абскарджанні, пазбаўленне правоў, рэгістрацыя бізнесу, абарона правоў у сферы сацыяльных паслуг),
🔴 крымінальнае права (кансультацыі і абарона па справах аб ДТЗ, крадзяжах і іншых злачынствах, дапамога пры затрыманні і арышце, працэдуры змякчэння пакарання, амністыя і да т.п.)
Ці бяспечна гэта?
Так, таму што аператаркі на лініі не запісваюць і не захоўваюць дадзеныя пра званкі. Усё тэлефанаванні праходзяць праз бяспечную платформу з выкарыстаннем сучасных пратаколаў шыфравання. Гэта выключае магчымасць праслухоўвання ці перахопу дадзеных трэцімі асобамі.
За дэталямі дзяжурстваў і атрыманнем доступу да юрыдычнай падтрымкі можна сачыць у афіцыйных акаўнтах «Аднаго акна» – у Telegram ды Instagram.
