У віленскім офісе беларуская лідарка правяла сустрэчу з Генеральнай Сакратаркай Рады Еўропы Марыяй Пейчынавіч-Бурыч. Таксама ў сустрэчы ўзялі ўдзел Дырэктар Офіса Марыі Пейчынавіч-Бурыч Джанлука Эспазіта і Пастаянны прадстаўнік Літвы пры Радзе Еўропы Андрус Крывас.
Падчас размовы бакі абмеркавалі:
📌 працяг працы Кантактнай групы беларускай грамадзянскай супольнасці;
📌 крокі па распрацоўцы дарожнай карты па ўступленні Беларусі ў Раду Еўропы;
📌 стварэнне інфармацыйнага пункта Рады Еўропы ў Вільні.
Падчас сустрэчы лідарка адзначыла: «Пад кіраўніцтвам Марыі Пейчынавіч-Бурыч Рада Еўропы афіцыйна аформіла адносіны з Дэмакратычнымі сіламі Беларусі і спыніла ўсялякае супрацоўніцтва з нелегітымным дыктатарам. Гэта паказчык таго, што нетрадыцыйныя часы патрабуюць нетрадыцыйных рашэнняў. Рада Еўропы – наш стратэгічны саюзнік, і мы спадзяёмся на паглыбленне супрацоўніцтва як у рамках Кантактнай групы, так і за яе межамі».
