Падчас сустрэчы беларуская лідарка падзякавала нямецкай амбасадзе ў Літве за падтрымку дэмакратычных сілаў, а Германіі – за падтрымку рэпрэсаваных беларусаў, былых палітвязняў, нашых добраахвотнікаў ва Украіне, а таксама незалежных медыя.
Бакі таксама зверылі палітычныя пазіцыі па безвыбарах, якія ў лютым плануе зладзіць рэжым, а таксама абмеркавалі супрацоўніцтва паміж ЕС, Германіяй і беларускімі дэмакратычнымі інстытутамі. Асобна гаворка ішла пра механізмы прыцягнення Лукашэнкі і яго памагатых да адказнасці. Напрыканцы размовы Ціханоўская прапанавала супольна з амбасадай Германіі правесці культурніцкія мерапрыемствы ў Вільні.
