Дарадца па моладзевай палітыцы і студэнтам Маргарыта Ворыхава звярнулася да беларусаў з нагоды зменаў у сістэме адукацыі. Цяпер для абітурыентаў з агульнай сярэдняй адукацыяй для паступлення на завочную форму навучання неабходна будзе мець стаж працы па спецыяльнасці ад дзесяці месяцаў. «Мы павінныя імкнуцца да роўнага доступу да адукацыі – каб гарантаваць, што кожны жадаючы мае справядлівыя шанцы», – пракаментавала дарадца.
Маргарыта Ворыхава звярнула ўвагу і на ўвядзенне вайсковых гурткоў і лагераў для школьнікаў. Дарадца адзначыла: гэта мэтанакіраваная спроба мілітарызацыі беларускай адукацыі.
«Дарагія студэнты і студэнткі, стаўце пад сумнеў нормы, навязаныя рэжымам. Вашая адукацыя – гэта не проста вашае права. Гэта вашая сіла, якая вызначае лёс нашай нацыі», – падсумавала Ворыхава.
