Святлана Ціханоўская: «Сёння ноччу ад кавіду памер тата палітвязня Паўла Севярынца – Канстанцін Паўлавіч. Яму было ўсяго 69 год. Мы ведаем аб гэтым, таму што Вольга Севярынец, жонка Паўла, запісала гэты зварот з заклікам дазволіць яе мужу пабываць на пахаванні бацькі.
«Мы звяртаемся да добрых людзей, арганізацый, дыпламатаў і просім усімі магчымымі спосабамі дапамагчы, каб Паўла адпусцілі на пахаванне», – са слязамі на вачах просіць Вольга. І я хачу падтрымаць гэтую смелую жанчыну, яе гераічнага мужа і ўсю іх сям'ю. Мае спачуванні родным і блізкім Канстанціна Севярынца».
