Хваля каранавіруса і вакцыны
– Лідары дэмсілаў Беларусі адправілі ліст кіраўніцтву ЕС, краінам-чальцам Еўрасаюза і кіраўніцтву COVAX з заклікам у тэрміновым парадку аказаць дапамогу Беларусі ў памеры мінімум мільёна дозаў вакцынаў.
– Услед за адпраўленнем ліста Ціханоўская правяла тэрміновае тэлефанаванне з камісарам ЕС Оліверам Варгеліем з нагоды вакцынаў. Пасля відэазванка Варгелій заявіў пра падтрымку Ціханоўскай, а яна паведаміла пра гатоўнасць ЕС даць вакцыны ў Беларусь: «Застаецца адзінае пытанне: як даставіць гэтыя вакцыны ў Беларусь. І мы ўсе разам працуем над ім».
Эканамічная праца
– У Варшаве адбыўся Belarus Business Forum, які быў арганізаваны ABBA і CASE Belarus пад патранажам Офіса Ціханоўскай – каб адказаць на пытанні: як выратаваць беларускі бізнес зараз і дапамагчы Беларусі развівацца ў будучыні?
– «Мы павінны знайсці спосабы падтрымаць беларускіх прадпрымальнікаў». На форуме Ціханоўская выступіла з заявай аб прыярытэтах падтрымкі бізнесу зараз і ў новай Беларусі. Дарадца Франак Вячорка паўдзельнічаў у панелі аб тым, як ЕС можа дапамагчы прадпрымальнікам. Усё гэта стане падмуркам працы з бізнесам у Беларусі і дапамогі тым, хто вымушаны быў вывезці кампаніі.
– Офіс Ціханоўскай разам з ByPol накіравалі ліст у Інтэрпол з заклікам выключыць доступ рэжыму да Інтэрпола ў мэтах палітычнага пераследу. У лісце прыводзяцца канкрэтныя прыклады, як рэжым пераследуе і запрошвае інфармацыю пра беларусаў у розных краінах. Ціханоўская і ByPol прапануюць Інтэрполу правесці кансультацыі, каб не дапусціць небяспекі пераследу людзей па палітычных прычынах.
Падтрымка і ўзаемадапамога
– Ціханоўская з кіраўніком НАК Паўлам Латушкам і кіраўніцай аддзела знешніх сувязяў Офіса Аляксандрай Логвінавай правялі стрым пра забастовачны рух. На эфір былі запрошаныя прадстаўнікі «Рабочага Руху» і БАР, але прадстаўнікі БАР адмовіліся ад удзелу. Поўны запіс стрыму – тут. Галоўнае з эфіру – тут.
– Каманда Ціханоўскай прыняла ўдзел у Сусветным Кангрэсе беларусаў – анлайн-канферэнцыі, дзе на працягу 24 гадзін лідары, эксперты і ўсе ахвочыя абмяркоўвалі, як дапамагчы Беларусі выйсці з палітычнага і гуманітарнага крызісу.
– Святлана Ціханоўская адкрыла міжнародную вечарыну памяці Ночы расстраляных паэтаў. Яна зачытала верш Алеся Дудара. У гэты вечар беларусы ва ўсім свеце чыталі вершы расстраляных у 1937 годзе паэтаў. Спіс усіх акцый – тут.
Міжнародная праца
– Разам з паслом Ізраіля ў Літве Ёсэфам Леві Ціханоўская ўшанавала памяць расстралянага 29 кастрычніка 1937 года паэта Майсея Кульбака, які нарадзіўся ў Смаргоні і пісаў пра Беларусь.
– Святлана Ціханоўская абвесціла 27 лістапада Днём міжнароднай салідарнасці з Беларуссю. Такія дні патрэбныя для таго, каб падтрымліваць увагу ўсяго свету да таго, што адбываецца ў нашай краіне.
– Прадстаўнік Ціханоўскай па канстытуцыйнай рэформе і парламенцкім супрацоўніцтве Анатоль Лябедзька правёў працоўныя сустрэчы з амбасадаркай ЗША ў Беларусі Джулі Фішэр і дакладчыкам Камітэта па юрыдычных пытаннях і правах чалавека ПАРЕ Эмануілісам Зінгерысам.
– 2 лістапада пройдзе штотыднёвы вебінар – на тэму «Як ЕС можа выкарыстоўваць санкцыі ў дачыненні да Беларусі ў якасці эфектыўнага інструмента палітыкі?». Зарэгістравацца можна тут. Вы можаце азнаёміцца з высновамі папярэдніх дыскусій пра беларускую дыяспару і двухбаковыя адносіны Беларусі і Украіны.
– Ціханоўская ў інтэрв'ю распавяла пра сітуацыю ў Беларусі: «Эхо Москвы» (Расія), Business Post (Ірландыя), Nikkei Японія (раз, два).
Офіс Святланы Ціханоўскай просіць вас насіць маскі, прышчапляцца даступнымі вакцынамі, захоўваць дыстанцыю і, па магчымасці, працаваць з дому. Беражыце сябе і сваіх блізкіх!
