Далучайцеся да Руху прама цяпер. Вось як гэта зрабіць.
Коратка – галоўнае за дзень працы Руху:
#падтрымкаўкраінцаўібеларусаў
- Беларускія мастачкі малююць у падтрымку Украіны (на фота).
- Беларусы Эдвард Тарлецкі і Людміла Хрысцесева, якія жывуць у Швецыі, робяць камуфляжныя сеткі для ўкраінскага войска.
- «Вольны хор» правядзе дабрачынны канцэрт у Варшаве 20 траўня а 19:00.
- Цэнтр Беларускай Салідарнасці аказвае дапамогу ўсім людзям, якія былі вымушаныя ратавацца ад рэпрэсій у Беларусі ці вайны ва Украіне. Усе віды падтрымкі вы можаце атрымаць абсалютна бясплатна. Больш падрабязна па спасылцы.
- Беларусы Кракава выйшлі на акцыю ў падтрымку Украіны.
- У Брусэлі прайшла акцыя салідарнасці беларусаў з палітвязнямі і ўкраінцамі.
- Беларусы Вроцлава сабраліся разам у падтрымку беларускіх палітвязняў і нагадаць пра беззаконне ў Беларусі.
- Прадстаўнік НАК прыняў удзел у Глабальным саміце «Місія – мір», прысвечаным урэгуляванню ваенных канфліктаў.
#сабатажпрацырэжыму
- Канал «Беларускі Гаюн», які адсочвае перамяшчэнне ваеннай тэхнікі па Беларусі, даў справаздачу за 16 траўня.
- Таксама «Беларускі Гаюн» апублікаваў агляд асноўных падзеяў беларускай прапаганды пра вайну ва Украіне за 17 траўня: прапаганда абвінавачвае Польшчу ў «фантомных імперскіх болях» і жаданні пашырэння сваёй тэрыторыі. Аднак менавіта ў дадзеную секунду Расія вядзе захопніцкую вайну супраць Украіны, рэалізуючы тыя самыя «фантомныя імперскія болі».
- 16 траўня ў 04:12 на станцыі Асіповічы-1 (Магілёўскае аддзяленне Беларускай чыгункі) адбылося ўзгаранне новага будынка Лінейнага цэнтра транспартнага абслугоўвання, паведамляе @belzhd_live. У выніку здарэння цалкам выгарэла некалькі кабінетаў станцыйнага тэхналагічнага цэнтра, уключаючы абсталяванне, якое знаходзіцца ў іх.
#непадпарадкаванне
- Жыхары Ваўкавыска правялі акцыю ў падтрымку палітвязня Мікалая Аўтуховіча, якога пачнуць судзіць 18 траўня.
- Беларусы ў Бараўлянах выйшлі ў падтрымку «Кнігаўкі», у якой у першы ж дзень працы сілавікі зрабілі ператрус.
#інфармацыйныфронт
- «Перамога бліжэй, чым нам здаецца», заявіў Сяргей Чалы ў эфіры «Euroradio-Live», каментуючы падзеі, якія адбываюцца.
- Kyky.org запусцілі відэапраект «Мае залатыя». У першай серыі – маніфест беларускіх жанчын, якія выбралі не заставацца ўбаку, а рабіць усё, каб спыніць чортаву вайну.
#BelarusWithUkraine
