Заўтра беларуская лідарка выступіць з прамовай у Еўрапарламенце перад сямю сотнямі дэпутатаў з усіх краінаў Еўрасаюзу.
Святлана Ціханоўская: «У гэтай жа зале два гады таму я казала: калі не спыніць дыктатуру цяпер, яна стане пагрозай для ўсёй Еўропы. Так і адбылося. Лукашэнка развязаў тэрор, уцягнуў нашую краіну ў вайну і распачаў ядзерны шантаж. 9 мільёнаў беларусаў узятыя ў закладнікі. Нашая незалежнасць сёння пад пагрозай, але мы не можам дазволіць Расіі забраць Беларусь.
Нам патрэбна агульная і дзейсная стратэгія, якая будзе ізаляваць рэжым, а не людзей. Дапамога палітвязням, рэпрэсаваным і ўцекачам павінна быць прыярытэтам. Падтрымка пашпарту новай Беларусі дазволіць дзясяткам тысяч захаваць легальны статус. Трэба ўмацоўваць сувязь беларусаў з Еўропай.
Я зраблю ўсё магчымае, каб голас кожнага беларуса пачулі ў Еўрапарламенце».
