Оксфардская абсерваторыя па Беларусі, пры дапамозе Даследчага цэнтра Офіса Святланы Ціханоўскай ды Інстытута глабальнага ўстойлівага развіцця Ўорыцкага ўніверсітэта, арганізуе экспертныя вэбінары пра палітычную сітуацыю ў Беларусі і рэгіёне, а таксама складае полісі-брыфы, грунтуючыся на іх.
Мы запрашаем Вас прачытаць полісі-брыф паводле экспертнага вэбінара «Рэпрэсіі і культурны супраціў: як дапамагаць беларусам змагацца з культурным прыгнётам?», які прайшоў 30 сакавіка 2023 года.
Ужо доўгі час беларуская культура знаходзіцца пад ціскам недэмакратычнага рэжыму ў Беларусі. З 2020 года маштаб рэпрэсій павялічыўся яшчэ больш. Полісі-брыф аналізуе розныя аспекты культурнага прыгнёту беларускай культуры і тое, як беларусы з ім змагаюцца. Апошні раздзел полісі-брыфа ўтрымлівае тры палітычныя рэкамендацыі для беларускай і міжнароднай супольнасці.
