Далучайцеся да Руху прама цяпер. Вось як гэта зрабіць.
Коратка – галоўнае за тыдзень працы Руху:
#падтрымкаўкраінцаўібеларусаў
- Цэнтр Беларускай Салідарнасці аказвае бясплатную дапамогу беларусам і ўкраінцам: юрыдычную, псіхалагічную і з пошукам часовага жылля. Падрабязнасці тут.
- Фонд BYSOL перадаў 40 камплектаў формы і рыштунку ва Украіну. Prague Support Team і Kirill Jakimovič сфармавалі для фонду 40 «пражскіх камплектаў» з рыштункам, формай і абуткам.
- Каардынатарка ініцыятывы Free Belarus Center Паліна Бродзік распавяла пра тое, як ініцыятыва дапамагае беларусам і ўкраінцам – ад пачатку вайны яны вывезлі з краіны больш за 3,5 тысячы чалавек.
- Беларускі фонд медыцынскай салідарнасці, фемінісцкая ініцыятыва #дамаудобнаявбыту, і актывісткі стварылі кіраўніцтва для дапамогі жанчынам, якія пацярпелі ад гвалту падчас вайны, акупацыі, у турме. Спампаваць можна на ўкраінскай і рускай мовах.
- Беларуская дыяспара ў розных краінах Еўропы падтрымлівае ўкраінцаў і выступае супраць вайны – у Лондане, Вільні, Боне і іншых гарадах прайшлі масавыя акцыі. Брытанская дыяспара перадала два джыпы для батальёна Каліноўскага (на фота), беларус са Швецыі ахвяраваў батальёну Каліноўскага свой аўтамабіль, а народнае пасольства Беларусі ў Швецыі і таварыства Беларусы Швецыі арганізавалі тэрміновы збор на закупку кансерваў, пратэінавых батончыкаў і іншых неабходных рэчаў – за 3 дні было сабрана амаль 20000 шведскіх кронаў. Таксама беларусы Швецыі працуюць на складах выдачы гуманітарнай дапамогі украінцам.
- Ініцыятыва ДАР сумесна з арганізацыяй Дапамога сабралі і адправілі пасылку з неабходнымі рэчамі беларусам-абаронцам Адэсы.
- Сузаснавальнік PandaDoc Мікіта Мікадо стаў інвестарам платформы па рэлакацыі рускамоўных айцішнікаў і стартапаў.
- Беларускія праваабаронцы збіраюць сродкі на VAC-сістэмы для ўкраінскіх бальніцаў. Гэтыя найноўшыя сістэмы дазваляюць загойваць раны, якія немагчыма зашыць. Дапамагчы ў зборы сродкаў можна па спасылцы.
- Па выніках візіту Святланы Ціханоўскай Нідэрланды разгледзяць магчымасць перадаць дапамогу беларускім медыкам ва Украіне – спіс абсталявання і інструментаў складзены Фондам медыцынскай салідарнасці. Таксама Ціханоўская перадала спіс патрэбаў батальёну Каліноўскага: у асноўным гэта ахоўная амуніцыя, уніформа і наборы першай дапамогі.
- Павел Латушка і каманда НАК правялі кансультацыі з міністрамі замежных справаў Швецыі, Польшчы, намеснікамі міністраў замежных справаў Чэхіі, Люксембурга, прадстаўнікамі МЗС Францыі, а таксама Вялікабрытаніі. Дыпламаты заявілі, што разглядаюць дзеянні рэжыму Лукашэнкі ў вайне супраць Украіны як саўдзел у агрэсіі, а прапановы рэжыму аб наладжванні дыялогу з ЕС разглядаюць у якасці фальшывых.
- Валер Кавалеўскі з камандай паехаў ва Украіну, каб працаваць над пастаянным офісам дэмсілаў у Кіеве. Ва ўкраінскую сталіцу яны даставілі транспарт, рыштунак і гуманітарны груз для батальёна Каліноўскага.
#непадпарадкаванне
- Мінскія партызаны выказваюць сваю нязгоду з вайной і салідарнасць з украінцамі.
- Партызаны Касцюкоўкі (Гомельская вобласць) выйшлі на пікет.
- Мінчане ў Чыжоўцы працягваюць распаўсюджваць улёткі і стыкеры.
#інфармацыйныфронт
- Каталікі і праваслаўныя звярнуліся з антываеннымі зваротамі.
- «Честные люди» распавялі, як настроіць для сваякоў кампутар так, каб усцерагчы іх ад прапаганды і забяспечыць доступ да сумленнай інфармацыі. Выйшаў новы выпуск «Белорусского вестника», у якім расказваецца пра вялізныя праблемы ў эканоміцы Беларусі з-за дзеянняў Лукашэнкі і якія перспектывы ў тых, хто ваюе за Расію. Спампоўвайце і распаўсюджвайце самвыдат.
Кожны можа стаць чальцом Антываеннага Руху цяпер. Вось яго Маніфест.
#BelarusWithUkraine
