Святлана Ціханоўская знаходзіцца з працоўным візітам у Лісабоне. Учора яна правяла працоўныя сустрэчы з прэм'ер-міністрам Антоніў Кошта, міністрам замежных спраў Аўгушту Сантуш Сілвам і іншымі палітыкамі Партугаліі.
На сустрэчах абраная лідарка Беларусі:
– падзякавала Партугаліі за падтрымку – з пачатку жніўня Асамблея Рэспублікі прыняла тры рэзалюцыі ў падтрымку дэмакратычнага руху Беларусі;
– абмеркавала палітвязняў, пераслед праваабаронцаў і супрацоўнікаў «Вясны», новыя крымінальныя справы і атаку на незалежныя СМІ;
– заклікала Партугалію як цяперашняга прэзідэнта Еўрасаюза зрабіць вырашэнне крызісу ў Беларусі прыярытэтам. Для гэтага новыя выбары павінны прайсці восенню 2021 у Беларусі;
– прапанавала правесці наступны Еўрапейскі савет па міжнародных адносінах, які пройдзе 22 сакавіка, з прадстаўнікамі дэмакратычнага руху Беларусі;
– падкрэсліла важнасць ізаляцыі рэжыму Лукашэнкі і ціску на яго. Размова на сустрэчах ішла пра санкцыі — як зрабіць іх больш эфектыўнымі і адчувальнымі для рэжыму;
– абмеркавала стварэнне спецыяльнай місіі Еўрапейскага Парламенту для вырашэння беларускага крызісу;
– казала пра дэталі Усёабдымнага плана дапамогі Беларусі, а таксама канкрэтнай дапамогі незалежным медыя, працоўным, юрыстам, а таксама прадстаўнікам рэлігійных супольнасцяў, якія пацярпелі ад рэжыму;
Беларусь ва Усходнім партнёрстве павінна быць прадстаўленая дэмакратычным рухам і прадстаўнікамі грамадзянскай супольнасці. Гэта датычыцца і Саміту, і эканамічных праграм УП.
Для Партугаліі дэмакратыя і правы чалавека — важныя каштоўнасці, паколькі гэтая краіна больш за 40 гадоў жыла пры дыктатуры Салазара. Прэм'ер-міністр падкрэсліў важнасць мірнага пераходу ад рэжыму Лукашэнкі да дэмакратыі, а таксама падтрымкі для правядзення новых выбараў.
На сустрэчы з Сержыў Соўза Пінту, прэзідэнтам Камітэта па замежных справах і партугальскім суполкам, Святлана Ціханоўская абмеркавала стварэнне рабочай групы ў партугальскім парламенце для дапамогі Беларусі: ментарства над палітвязнямі і падтрымка грамадзянскай супольнасці.
.jpg)
