Міністар замежных справаў Чэхіі Ян Ліпаўскі прыняў кіраўніцу Аб’яднанага Пераходнага Кабінета Святлану Ціханоўскую у Міністэрства замежных справаў у Празе.
Таксама Ціханоўская падзякавала міністру замежных справаў за падтрымку Офісу дэмакратычных сілаў, Праграму падтрымкі грамадзянскай супольнасці (Чэхія выдае візы актывістам і рэпрэсаваным), пытанні легалізацыі беларусаў у Чэхіі, стыпендыі для беларускіх студэнтаў. Лідарка прапанавала змякчыць візавыя абмежаванні ў дачыненні да беларусаў, у прыватнасці зняць абмежаванні на атрыманне візаў для сваякоў беларусаў, якія пражываюць у Чэхіі, а таксама для атрымання студэнцкіх візаў.
