Сёння Святлана Ціханоўская правяла тэлефанаванне з генеральнай сакратаркай Рады Еўропы Марыяй Пейчыновіч-Бурыч. На тэлефанаванні таксама прысутнічалі дарадца Аляксандр Дабравольскі, кіраўнік Кабінета прадстаўнікоў Валер Кавалеўскі і спецпрадстаўнік па выбарах Аляксандр Шлык.
На гэтым тыдні Парламенцкая асамблея Рады Еўропы будзе прымаць дзве рэзалюцыі па Беларусі.
На тэлефанаванні Святлана Ціханоўская:
– падкрэсліла, што ўдзел Беларусі ў Радзе Еўропы – прыярытэт для новай Беларусі, бо Беларусь таксама з'яўляецца часткай Еўропы;
– абмеркавала ініцыятыву па правядзенні перамоў пры міжнародным пасярэдніцтве для вырашэння крызісу ў Беларусі;
– казала пра рэпрэсіі рэжыму супраць дэмакратычных сіл і абвяшчэнні лідараў тэрарыстамі;
– заклікала пераглядзець формы ўзаемадзеяння Рады Еўропы з Беларуссю і стварыць магчымасці для ўдзелу дэмакратычных сіл у працы яго органаў.
