Учора, 6 кастрычніка, Святлана Ціханоўская ў Цэнтры беларускай салідарнасці сустрэлася з прадстаўнікамі «Рабочага руху» Дзмітрыем Цітам, Сяргеем Вайцяховічам, Юрыем Рававым.
На сустрэчы:
– Дамовіліся пачаць падрыхтоўку для стварэння страйкавага фонду.
– «Рабочы рух» у найбліжэйшы час запусціць свой YouTube-канал, дзе будзе распавядаць пра працу руху, што такое забастоўка і чаму на гэты раз яна спрацуе. Таксама на канале будуць асвятляць расследаванні самавольства і карупцыі адміністрацыі на дзяржпрадпрыемствах. Сачыць за навінамі «Руху» можна тут.
– Актывісты назвалі колькасць людзей, неабходных для агульнанацыянальнай забастоўкі – 138 000 чалавек, якія збіраюцца праз чат-бот @stachka_by_bot.
Кожны чалавек, які працуе ў Беларусі можа далучыцца да «Рабочага руху», дзе збіраюцца не толькі завадчане, але наогул усе, хто працуюць у Беларусі. Працоўныя ведаюць, што страйк – гэта галоўны ненасільны спосаб пакінуць рэжым у мінулым.
