У Цэнтры беларускай салідарнасці ў Варшаве прайшла сустрэча Святланы Ціханоўскай і прадстаўнікоў беларускай грамадзянскай супольнасці. У мерапрыемстве прымалі ўдзел шматлікія ініцыятывы, медыя і арганізацыі: Рабочы рух, Прэс-клуб, праваабарочны цэнтр «Вясна», асацыяцыя палітвязняў «Да волі», Рэформ.бай, Беларускі моладзевы хаб, Еўрарадыё, Свабодны тэатр, ISANS, Асацыяцыя беларускіх ветэранаў, Free Belarus Center і іншыя актывісты арганізацый грамадзянскай супольнасці і культурныя ініцыятывы.
Беларуская лідарка пагаварыла з удзельнікамі пра легалізацыю ў Польшчы і атрыманне віз, а таксама пра праблемы з фінансаваннем незалежных СМІ і культурных ініцыятываў. Прадстаўнік Фландрыі ў Польшчы Томас Кастрэл таксама далучыўся да мерапрыемства.
