Прадстаўнік Ціханоўскай па эканамічных рэформах Алесь Аляхновіч у відэа распавядае, як зараз захаваць свае зберажэнні, улічваючы падтрымку рэжымам Крамля ў вайне супраць Украіны. Вайна можа мець значна больш сур'ёзныя наступствы, чым звыклыя для беларусаў крызісы ў эканоміцы.
- Пакуль магчыма, паспрабуйце зняць валютныя зберажэнні з банкаўскіх рахункаў.
- Магчымы дэфіцыт наяўных грошай у банкаматах, таму здыміце з картак месячны бюджэт сям'і.
- Выкарыстоўвайце крэдытныя ліміты на банкаўскіх картках растэрміноўкі – «Халва», «Магніт» і г.д.
- Майце запас паліва, трымайце бак аўтамабіля заўсёды запраўленым.
- Назапасцеся на некалькі месяцаў наперад асноўнымі лекамі, якія патрэбныя вам і вашай сям'і.
- Калі гэта магчыма, вывязіце валюту за мяжу (можна да 10 тысяч даляраў без дэкларацыі), набывайце каштоўныя металы або крыптавалюту.
- Праяўляйце пратэст, далучайцеся да Беларускага Антываеннага Руху. Вось яго Маніфест.
Усё відэа можна паглядзець тут.
