Беларуская лідарка падзякавала прэм'еру Педра Санчэсу за запрашэнне на Саміт, а таксама за працяг выдачы візаў беларусам (каля 7000 за апошні год) і падтрымку сем’яў палітвязняў.
Прэм’ер распавёў пра вынікі нарады міністраў замежных справаў па сітуацыі з беларусамі ў выгнанні. Ён запэўніў, што будзе выпрацавана рашэнне, якое дазволіць беларусам заставацца ў тых краінах, дзе яны цяпер знаходзяцца, не рызыкуючы дэпартацыяй.
Таксама Ціханоўская заклікала Іспанію падтрымаць праект пашпарту новай Беларусі, які дапаможа беларусам вырашыць шэраг праблемаў з легалізацыяй.
