Падчас візіту ў Швейцарыю Святлана Ціханоўская правяла тэлефонны званок з Дэрэкам Шоле, дарадцам Дзярждэпу ЗША. Гэта другі афіцыйны кантакт з прадстаўнікамі новай адміністрацыі ЗША.
Святлана Ціханоўская:
– распавяла пра апошнія суды супраць журналістаў і актывістаў Беларусі, атаку на праваабарончы цэнтр «Вясна» і пераслед мясцовых лідараў;
– падкрэсліла, што мэтай дэмакратычных сіл Беларусі з'яўляюцца новыя свабодныя і справядлівыя выбары ўжо восенню гэтага года. Важна таксама спыніць гвалт, вызваліць палітвязняў і вярнуць людзям права выбіраць. Дасягненне гэтых мэтаў магчыма праз дыялог з беларускім грамадствам;
– абмеркавала з Шоле рэалізацыю Акту аб дэмакратыі, аднаўленне і пашырэнне санкцый ЗША супраць рэжыму Лукашэнкі, арганізацыю перамоваў на платформе АБСЕ;
– паведаміла пра апошнія рэпрэсіўныя кампаніі супраць журналістаў, актывістаў, бізнесоўцаў, заклікала ЗША і ўсю міжнародную супольнасць дзейнічаць хутка і зладжана.
Падчас тэлефанавання таксама абмеркавалі запланаваны візіт Ціханоўскай у ЗША.
