Варшава, 9–10 жніўня 2025 года — больш за 420 удзельнікаў, 36 дыпламатаў і каля 50 журналістаў сабраліся на Канферэнцыі «Новая Беларусь 2025», каб падвесці вынікі пяці гадоў барацьбы, абмеркаваць стратэгіі на будучыню і прыняць агульныя пазіцыі дэмакратычных сілаў.
📅 Як праходзіла канферэнцыя
Дзень 1
- Панэль 1: Грамадзянскі пульс: дзе мы апынуліся за 5 гадоў.
- Прэзентацыя даследавання «Ад 2020 да сёння: як мы змяніліся за 5 гадоў».
- Панэль 2: Не спрынт, а марафон: пошук новых сэнсаў і стратэгіяў.
- Дэбаты з удзелам палітыкаў, экспертаў і грамадзянскай супольнасці.
- Панэль 3: Рэгіянальная бяспека: Беларусь 2027.
- Акцыя «Марш Свабоды» ў цэнтры Варшавы.
Дзень 2
- Работа ў тэматычных групах і прэзентацыя вынікаў.
- Выступ намесніка кіраўніцы Аб’яднанага пераходнага кабінета Паўла Латушкі.
- Панэль 4: Разам з людзьмі: формы сувязі, давер і ўзаемаадказнасць.
- Бліц-прэзентацыі інавацыйных праектаў.
- Прэзентацыя структуры дэмакратычных сілаў.
- Панэль 5: Беларуская культура: як рабіць яе модна, сучасна, па-беларуску?.
- Цырымонія ўзнагароджанняў і падвядзенне вынікаў.
🏛 Асноўныя вынікі і прызначэнні
- Павел Баркоўскі — прадстаўнік па нацыянальным адраджэнні.
- Ірэна Кацяловіч і Андрэй Лаўрухін — намеснікі па культуры, адукацыі і навуцы.
- Аліса Рыжычэнка — прадстаўніца па эканоміцы і фінансах.
- Святлана Шаціліна — кіраўніца Місіі ў Кіеве.
- Юлія Юхно — кіраўніца Цэнтра беларускай дэмакратычнай супольнасці ў Фларэнцыі.
- Таццяна Марыніч — кіраўніца Місіі ў Іспаніі.
📜 Прэзентацыі і дакументы
- Red Paper па бяспецы.
- Справаздача па культурніцкай дыпламатыі.
- Брашура пра структуру дэмакратычных сілаў.
- Даследаванне аб удзеле рэжыму ў вайне (BELPOL).
🗳 Рэзалюцыі дэмакратычных сілаў
Па выніках канферэнцыі прыняты пакет дакументаў, якія вызначаюць курс і патрабаванні:
- Палітычная рэзалюцыя — захаванне незалежнасці, пераход да дэмакратыі, асуджэнне агрэсіі супраць Украіны, патрабаванне вызвалення палітвязняў і правядзення свабодных выбараў.
- Вызваленне палітвязняў без новых ахвяраў — поўнае і безумоўнае вызваленне, спыненне рэпрэсіяў, доступ адвакатаў і міжнародных назіральнікаў.
- Па бяспецы Беларусі — вывад замежных войскаў, забарона ядзернай зброі, выхад з прамаскоўскіх саюзаў, інтэграцыя ў еўрапейскую сістэму бяспекі.
- Дасягненне справядлівасці — перадача «беларускай сітуацыі» ў МКС, стварэнне міжнароднай кааліцыі для правасуддзя і абароны ахвяраў.
- Свабода сумлення і веравызнання — адмена рэпрэсіўных паправак, вызваленне зняволеных святароў, аднаўленне правоў супольнасцяў.
- Супрацьдзеянне гібрыднай агрэсіі РФ — умацаванне ідэнтычнасці, культурніцкія і адукацыйныя абмены, еўрапейская інтэграцыя як альтэрнатыва «рускаму міру».
- Нацыянальная ідэнтычнасць — замацаванне мовы і культуры як асноваў незалежнасці, развіццё культурніцкай дыпламатыі і падтрымка дыяспары.
- Еўрапейскі выбар — падрыхтоўка дарожнай карты інтэграцыі ў ЕС, пашырэнне супрацоўніцтва, зняцце візавых бар’ераў.
- Роля моладзі — падтрымка моладзі ў змаганні з аўтарытарызмам, міжнародныя праграмы, прызнанне дыпломаў, псіхалагічная дапамога, развіццё лідарства.
