Падчас працоўнага візіту ў Італію Святлана Ціханоўская наведала Балонню, дзе сустрэлася з мэрам горада Матэа Лепарэ, беларускай дыяспарай горада і прыняла ўдзел у прэзентацыі кнігі «Беларусь жывая паміж дыктатурай і супрацівам» на італьянскай мове. Акрамя таго лідарка наведала могілкі польскіх жаўнераў Арміі Андэрса і ўсклала кветкі на магілы беларусаў, якія ўдзельнічалі ў вызваленні горада падчас Другой сусветнай вайны.
Дамоўленасці і падтрымка беларусаў у Балонні:
📌 Падчас сустрэчаў з гарадскім кіраўніцтвам горада Ціханоўская заклікала:
▫️Падтрымліваць беларускую дыяспару і культурніцкія ініцыятывы;
▫️Выдзяляць стыпендыі і прапанаваць іншыя адукацыйныя магчымасці для моладзі;
▫️Разгледзіць магчымасці для рэабілітацыі беларусаў, якія пацярпелі ад рэпрэсіяў.
📌 З беларускай дыяспарай Святлана Ціханоўская абмеркавала дзеянні па наступным напрамкам:
▫️Арганізацыя мерапрыемстваў салідарнасці з Беларуссю і Украінай;
▫️Зборы сродкаў для палітвязняў і ваяроў палка Каліноўскага;
▫️Супрацоўніцтва з мясцовымі ўладамі для пашырэння падтрымкі Беларусі.
У ратушы Балонні адбылася ўрачыстая цырымонія – Святлана Ціханоўская атрымала статус «Ганаровай грамадзянкі Балонні», які прысуджаецца за выдатныя заслугі перад грамадствам. Гэты статус – сімвалічны знак салідарнасці з беларускім народам ад гарадской рады Балонні.
Вынікі візіту ў Фларэнцыю чытаць тут.
