Беларуская лідарка наведала офіс швейцарска-нямецкай арганізацыі Libereco, дзе сустрэлася з дырэктарам Маркам Фіберам і яго камандай. Libereco актыўна падтрымлівае беларускіх палітзняволеных і дзякуючы іх праграме, больш за 300 дэпутатаў з 21 Парламента сталі хроснымі нашых герояў.
Святлана Ціханоўская падзякавала арганізацыі Libereco за падтрымку і падкрэсліла важнасць існавання праграмаў рэабілітацыі для тых, хто ўжо выйшаў на волю.
На сустрэчы бакі абмеркавалі крокі, якія могуць павялічыць колькасць палітыкаў-удзельнікаў кампаніі салідарнасці. Таксама Ціханоўская прапанавала разгледзіць варыянт падтрымання сувязі палітзняволеных са сваімі хроснымі пасля вызвалення.
Падчас сустрэчы прадстаўнікі Libereco і беларуская лідарка таксама абмеркавалі праграму рэабілітацыі палітвязняў, якія ўжо выйшлі на свабоду. Дзякуючы праграме яны могуць атрымаць неабходную кваліфікаваную медычную і псіхалагічную дапамогу.
