Беларуская лідарка працягвае працоўны візіт у Хельсінкі. Пасля прамовы на канферэнцыі «Helsinki+50» Святлана Ціханоўская сустрэлася з прэзідэнтам Фінляндыі.
Аляксандр Стуб неаднаразова выказваў салідарнасць з Беларуссю пасля падзеяў 2020 года, а Фінляндыя застаецца важным саюзнікам дэмакратычных сілаў у змаганні за свабоду і перамены.
Што абмеркавалі на сустрэчы?
➖практычныя крокі па вызваленні беларускіх палітвязняў;
➖магчымыя сцэнары бяспекі ў рэгіёне, вучэнні «Захад-2025», пагрозы незалежнасці Беларусі і намаганні Расіі ўцягнуць нашую краіну ў вайну;
➖супрацоўніцтва з ЗША, у тым ліку з адміністрацыяй прэзідэнта Трампа;
➖важнасць пытання Беларусі на міжнародным парадку дня.
Ціханоўская асобна адзначыла працу беларускіх праваабаронцаў і незалежных медыя, а таксама падкрэсліла важнасць падтрымкі беларускай культуры і ідэнтычнасці як часткі супраціву.
«Я ўдзячная Фінляндыі за паслядоўнасць. За падтрымку Украіны, за цвёрдасць у стаўленні да рэжыму Лукашэнкі. Мы з прэзідэнтам Стубам правялі шчырую і цёплую сустрэчу, і ён выдатна арыентуецца ў сітуацыі. Я радая, што ў нас такі саюзнік як Фінляндыя. Краіна выдатна ведае, што такое жыць побач з імперыяй, і якой каштоўнасцю ёсць свабода, за якую змагаюцца беларусы».
