У аўторак, 24 кастрычніка, Святлана Ціханоўская возьме ўдзел у імпрэзе «Беларусь і беларусы, 2020+» і выступіць з праграмнай прамовай пра сітуацыю ў краіне і прыярытэтах працы.
Гэтая дыскусія арганізаваная Інстытутам міжнародных адносін і паліталогіі Віленскага ўніверсітэта ў партнёрстве з Інстытутам глабальнага ўстойлівага развіцця Ўорыцкага ўніверсітэта.
Падчас мерапрыемства будуць выпрацоўвацца палітычныя рэкамендацыі адносна бягучай сітуацыі ў Беларусі і будзе абмяркоўвацца пытанне міжнароднай падтрымкі беларускага дэмакратычнага руху ва ўмовах вайны Расіі супраць Украіны.
У дыскусіі прымуць удзел прадстаўнікі Офіса Святланы Ціханоўскай, а таксама літоўскія, беларускія і міжнародныя эксперты, даследчыкі і палітыкі, якія цікавяцца беларускай праблемай.
Падрабязнасці і праграму мерапрыемства вы можаце знайсці па спасылцы.
