Далучайцеся да Руху прама цяпер. Вось як гэта зрабіць.
Коратка – галоўнае за дзень працы Руху:
#падтрымкаўкраінцаўібеларусаў
- BYSOL запусціў збор для жанчын, якія перажылі сексуальны гвалт на вайне. Прама цяпер фонд ставіць за мэту сабраць 10 000 еўра. Гэтыя грошы патрэбныя, каб закупіць медыкаменты і кантрацэптывы для пацярпелых жанчын. Для тых, хто зазнаў гвалт і цяпер мае патрэбу ў медыцынскай ці псіхалагічнай дапамозе, таксама запусцілі бот у тэлеграме – @bysol_women.
- Беларусы Грузіі збіраюць гуманітарную дапамогу для Украіны.
- Беларусы і ўкраінцы Беластока і Падляскі арганізавалі сумесную акцыю ў падтрымку Украіны. У ёй прынялі ўдзел больш за 50 чалавек.
- Дарадца Ціханоўскай Франак Вячорка распавёў пра візы, ВНЖ і рэлакацыю для беларусаў у краінах Еўропы: у Мінску іх выдаюць, краіны Балтыі па-ранейшаму выдаюць гуманітарныя, беларусы ў Чэхіі змогуць атрымаць ВНЖ. Больш падрабязна – тут.
- Украіна канфіскуе новыя вагоны БЧ. Супрацоўнікі «Укрзалізниці» выявілі амаль 1400 вагонаў, якія знаходзіліся на тэрыторыі Палтаўскай і Днепрапятроўскай абласцей. Уладальнікамі вагонаў з'яўляюцца фізічныя і юрыдычныя асобы з Расійскай Федэрацыі і Рэспублікі Беларусь.
#інфармацыйныфронт
- Мінчане пратэстуюць і выказваюцца супраць вайны на вуліцах горада.
- «Честные люди» расказваюць, як змагацца з мовай прапаганды і расказваць сваім родным, блізкім сумленныя і праўдзівыя навіны.
- Валынская абласная Рада звярнулася да беларусаў: «У нас агульная гісторыя і агульны вораг».
- Выйшаў новы выпуск «Вестника» для беларускіх абласных цэнтраў. Спампоўвайце і распаўсюджвайце самвыдат, каб наблізіць агульную перамогу. Спампаваць можна тут.
- Таксама выйшаў новы выпуск «Честной газеты». Спампаваць можна тут.
Кожны можа стаць чальцом Антываеннага Руху цяпер. Вось яго Маніфест.
