Падчас працоўнай паездкі ў Славенію 18-19 сакавіка Валер Кавалеўскі сустрэўся з намеснікам прэм'ер-міністра – міністрам абароны Мацеем Тоніным, міністрам замежных спраў Славеніі Анжэ Логарам, прадстаўнікамі беларускай дыяспары, палітычных партый і славенскіх медыя. Вынікі візіту – коратка:
- Атрыманая падтрымка ініцыяванага Святланай Ціханоўскай галасавання пра перамовы ў Беларусі як выхад з крызісу;
- Абмеркаваная прыярытэтнасць задачы вырашэння крызісу ў Беларусі падчас прэзідэнцтва Славеніі ў Еўрасаюзе (з 1 ліпеня 2021);
- Атрыманая падтрымка чацвёртага пакета санкцый ЕС, міжнароднага механізму па расследаванні злачынстваў рэжыму, дзейнасці Еўрапарламента, крокаў у межах АБСЕ і ААН;
- Агучаная гатоўнасць кансалідаваць пазіцыю з іншымі краінамі для аказання ціску на рэжым для старту перамоваў, што вядуць да новых выбараў.
- У ходзе сустрэчы ў МЗС Анжэ Логар перадаў Святлане Ціханоўскай запрашэнне наведаць Славенію з афіцыйным візітам.
На фота: кіраўнік Кабінета прадстаўнікоў Валер Кавалеўскі і міністр замежных спраў Славеніі Анжэ Логар.
