Ціханоўская і Наўседа на сустрэчы:
– дамовіліся працягнуць каардынацыю дзеянняў у пытанні ціску на рэжым. Яны пагадзіліся, што важна закрыць шчыліны ў санкцыях і знайсці спосаб спыніць транзіт санкцыйных прадуктаў праз балтыйскія краіны. Цяпер ЕС распрацоўвае 6-ты пакет санкцый;
– абмеркавалі сумесныя мерапрыемствы, прымеркаваныя да года Францыска Скарыны – у 2022 годзе адзначаецца 500 год з пачатку першадрукавання ў ВКЛ. Ціханоўская таксама прапанавала арганізаваць у Вільні мерапрыемствы да Дня волі 25 сакавіка. Ціханоўская плануе далучыцца да богаслужэння ў гонар Скарыны і пачатку кнігадрукавання, якое пройдзе 20 студзеня ў гарадах Беларусі, Літвы, Чэхіі і Польшчы.
Сустрэча прайшла ў прэзідэнцкім палацы ў Вільні. Ціханоўская падзякавала Наўседу і ўраду Літвы за падтрымку беларускіх рэлакантаў, незалежных медыяў, арганізацый і бізнесаў, якія пераехалі і працягваюць працу ў Літве. Беларуская лідарка таксама адзначыла дапамогу Літвы ў пытаннях бяспекі актывістаў і журналістаў, якія выехалі з Беларусі.
