Ціханоўская сустрэлася з прадстаўніцамі Google i Youtube, каб абмеркаваць беларускую мову ў прадуктах гэтай кампаніі

Удзел у сустрэчы бралі віцэ-прэзідэнтка па сувязях з урадамі Youtube Лэслі Мілер і віцэ-прэзідэнтка Google па публічнай палітыцы і па сувязях з урадамі Анэт Кробер-Рыель. Святлана Ціханоўская падзяліліся праблемамі, з якімі сутыкаюцца беларускія журналісты пры выкарыстанні сэрвісаў Google i Youtube. 

Падчас сустрэчы Святлана Ціханоўская падняла пытанні, якія дапамогуць вырашыць праблему беларускай мовы ў прадуктах Google і YouTube:

– Дазволіць манетызацыю кантэнту на беларускай мове ў прадуктах Google i YouTube.
– Дазволіць рэкламаваць беларускамоўныя відэаролікі на YouTube.
– Спыніць злоўжыванні расійскімі і лукашэнкаўскімі прапагандыстамі інструментамі рэкламы.
– Забяспечыць доступ да сайтаў і каналаў незалежных медыяў, прызнаных рэжымам экстрэмісцкімі, праз пошукавыя сістэмы і іншыя інструменты Google.

19 лютага 2023 в 16:48