25 сакавіка адбудзецца 108-я гадавіна абвяшчэння незалежнасці Беларускай Народнай Рэспублікі. Каб аб’яднаць беларусаў і беларусак па ўсім свеце і ўшанаваць нашую спадчыну, у розных краінах пройдуць імпрэзы, сустрэчы, акцыі і культурніцкія падзеі, прысвечаныя гісторыі БНР і сучаснай барацьбе за свабодную Беларусь.
Святлана Ціханоўская:
«Дзень Волі — гэта сімвал нашай дзяржаўнасці і веры ў нашую краіну. Гэта дзень, які нагадвае: незалежнасць пачынаецца з адказнасці, еднасці і павагі да сваёй мовы, культуры і традыцыяў. 25 сакавіка — гэта магчымасць сабрацца разам, падтрымаць адно аднаго і нагадаць свету, што Беларусь ёсць і будзе».
Каманда Офіса Святланы Ціханоўскай збірае інфармацыю пра мерапрыемствы па ўсім свеце. Калі вы арганізуеце акцыю, сустрэчу ці культурніцкую падзею, дасылайце інфармацыю праз нашыя афіцыйныя каналы сувязі.
Бліжэй да 25 сакавіка мы апублікуем агульны спіс імпрэзаў, каб кожны і кожная маглі далучыцца і паказаць, што Беларусь жыве, памятае і змагаецца!
