Сёння прайшла чарговая сустрэча працоўнай групы пры МУС Польшчы. Беларускі бок прадстаўляла дарадца Святланы Ціханоўскай па прававых пытаннях Крысціна Рыхтэр і прадстаўніца Цэнтра Беларускай Салідарнасці Вольга Дабравольская.
Падчас сустрэчы былі абмеркаваныя пытанні легалізацыі дзяцей грамадзян Беларусі, народжаных у Польшчы. Зараз беларусы сутыкаюцца са складанасцямі ў легалізацыі сваіх нованароджаных дзяцей у Польшчы. Падчас сустрэчы прадстаўнікі МУС заявілі, што вырашэнне гэтага пытання цяпер знаходзіцца ў прыярытэце.
Таксама паднялі пытанні датычныя польскага праязнога дакумента, які можа замяняць пратэрмінаваны беларускі пашпарт пры паездках за мяжу. Прадстаўніцы беларускага боку прапанавалі прызнаваць праязной дакумент у якасці пасведчання асобы і павялічыць тэрмін яго дзеяння. Зараз гэтыя пытанні будуць знаходзіцца на абмеркаванні ў МУС Польшчы.
Прадстаўнікі МУС запэўнілі, што працоўная група будзе працягваць існаваць па-за палітычным фарматам на ўзроўні кансультацый, што дазволіць распрацоўваць практычныя рашэнні для паляпшэння становішча беларусаў у Польшчы.
Падрабязней пра вынікі сустрэчы глядзіце па спасылцы.
