Беларуская лідарка працягвае працоўны візіт у Ісландыю. Галоўнай падзеяй візіту стала сустрэча з прэм’ер-міністрамі Паўночнай Рады – першая ў такім фармаце для Святланы Ціханоўскай. У сустрэчы ўзялі ўдзел Б’ярні Бенедыктсан (Ісландыя), Метэ Фрэдэрыксен (Данія), Ульф Крыстэрсан (Швецыя), Петэры Орпа (Фінляндыя), Ёнас Гар Сцёрэ (Нарвегія).
Што абмеркавала Ціханоўская падчас сустрэчы?
📌 спосабы дапамогі і магчымыя варыянты вызвалення беларускіх палітвязняў, у прыватнасці – Алеся Бяляцкага;
📌 прасоўванне беларускай павесткі ў межах Еўрапейскага Саюза, НАТА, Паўночнай Рады;
📌 ціск на рэжым Лукашэнкі, у прыватнасці за парушэнні супраць правоў чалавека;
📌 падтрымку Міжнароднага гуманітарнага фонду: Нарвегія, Швецыя і Данія ўжо ахвяравалі туды грошы.
Святлана Ціханоўская: «Перш за ўсё я хачу падзякаваць прэзідэнтцы Хале Томасдоцір і прэм’ер-міністру Ісландыі Б’ярні Бенедыктсану за магчымасць упершыню ўзяць удзел у сустрэчы Паўночнай Рады ў такім фармаце. Вельмі важна, што галасы беларусаў гучаць на самых высокіх узроўнях. Я дзякую кожнай краіне, якая ўваходзіць у Паўночную Раду за іх прынцыповую пазіцыю і падтрымку Беларусі на нашым шляху да дэмакратыі».
