Беларуская лідарка выступіла са зваротам да Камітэта па міжнародных справах Бундэстагу. Яна заклікала нямецкіх парламентарыяў прыняць рэзалюцыю ў падтрымку Беларусі. Дакумент мае намерам забяспечыць падтрымку дэмакратычным сілам, грамадзянскай супольнасці, незалежным медыя і асудзіць злачынствы рэжыму Лукашэнкі.
Святлана Ціханоўская акцэнтавала ўвагу на недапушчальнасці стаўлення да беларусаў, як да рэжыма. Яна нагадала пра шматлікія ціхія акцыі супраціву, што ладзяць беларусы ўнутры краіны – і падкрэсліла непрыманне расійскай агрэсіі з боку людзей.
«Беларусы выказалі адназначную пазіцыю: мы супраць вайны, мы падтрымліваем Украіну. У адрозненне ад расіян мы сталі на бок дэмакратыі і закона. І тут важна разумець: Украіна ніколі не будзе ў бяспецы без вольнай Беларусі», – адзначыла лідарка.
Акрамя таго, Ціханоўская заклікала дыпламатаў звярнуць увагу на юрыдычныя праблемы, з якімі сутыкаюцца беларусы ў выгнанні – і папрасіла дапамогі ў іх вырашэнні.
