15 студзеня Святлана Ціханоўская правяла сустрэчу з дэпутатамі групы Сейма Літвы «За дэмакратычную Беларусь». Удзел у сустрэчы ўзялі прадстаўнікі як урадавай кааліцыі, так і апазіцыі. Кіраўніком групы з’яўляецца Русланас Барановас, які прадстаўляе кіруючую сацыял-дэмакратычную партыю.
Святлана Ціханоўская павіншавала літоўскіх партнёраў з днём абаронцаў свабоды Літвы, які адзначаецца 13 студзеня, падзякавала за прынцыповую падтрымку Беларусі і беларускага народа.
Падчас сустрэчы абмеркавалі:
– бяспекавую і палітычную сітуацыю;
– наступныя крокі па вызваленні палітвязняў;
– пытанне санкцыяў на транзіт калійных угнаенняў;
– праблемы беларусаў у Літве;
– сітуацыю з Беларускім домам у Вільні;
– план працы групы на 2026 год.
Абмеркавалі і падрыхтоўку пагаднення аб супрацоўніцтве паміж дэмакратычнымі сіламі Беларусі і Сеймам Літвы. Святлана Ціханоўская падзякавала МЗС Літвы, Камітэту па замежных справах Сейма і яго старшыні за ўхваленне дакумента.
Ціханоўская запрасіла дэпутатаў далучыцца да чацвёртай сустрэчы міжпарламенцкага Альянсу за дэмакратычную Беларусь, які пройдзе ў Лондане, а таксама да правядзення наступнай сустрэчы ў Літве падчас старшынства Літвы ў Еўрапейскім Саюзе.
