Беларуская лідарка выступіла ў Бруселі на кангрэсе палітычнай арганізацыі «Альянс лібералаў і дэмакратаў за Еўропу». Падчас прамовы Святлана Ціханоўская падкрэсліла важнасць адзінства і рашучасці еўрапейскай супольнасці ў барацьбе супраць тыраніі і дыктатуры, а таксама заклікала ўдзельнікаў падтрымліваць беларусаў праз выдачу візаў і дапамагу з легалізацыяй.
Прыводзім ключавыя цытаты з прамовы:
📌 «Мы не павінны дазволіць тыраніі ап’яніць і раскалоць нашыя грамадствы. Паверце мне – яны робяць гэта эфектыўна. Мы не павінны дазволіць ім падарваць нашы каштоўнасці. Мы павінны заставацца адзінымі і адважнымі ў супрацьстаянні з імі. Кожнае хістанне ці нерашучасць дыктатары разглядаюць як слабасць».
📌 «Я не ведаю, калі нашы блізкія будуць на волі, але я ведаю, што кожны дзень мы робімся на крок бліжэй да гэтага моманту. Мы зразумелі, што гэта не спрынт, а марафон. Але мы таксама зразумелі, што не можам перамагчы ў гэтым змаганні самі па сабе».
📌 «Я ведаю, што лібералы з’яўляюцца магутнымі абаронцамі свабоды слова, а таксама свабоды руху. Я прашу вас выступіць за павелічэнне колькасці і патанненне візаў для беларусаў. Ізалюючы рэжым, мы павінны ўзмацняць сувязі паміж людзьмі. Мы просім вас прыняць беларусаў, куды б яны ні прыехалі, падаваць сховішча і спрасціць працэдуру легалізацыі».
Таксама адбылася цырымонія ўручэння ўзнагарод ад часопіса «The Parliament». Святлана Ціханоўская ўручала прыз у катэгорыі «Еўрапейскія каштоўнасці».
