Ужо сёння Каардынацыйная рада ладзіць парламенцкія слуханні, дзе будзе прадстаўлены аналіз злачыннай дзейнасці Лукашэнкі падчас яго знаходжання ва ўладзе з кваліфікацыяй здзейсненых злачынстваў.
- Якая асноўная мэта слуханняў?
Прыцягнуць увагу міжнароднай супольнасці да злачынстваў Лукашэнкі напярэдадні #бязвыбары2025 і вызначыць шляхі прыцягнення яго да адказнасці.
Хто выступіць?
Слуханні адкрые лідарка дэмакратычных сілаў Святлана Ціханоўская. Сярод дакладчыкаў:
- Павел Латушка – лідар фракцыі «Каманда Латушкі і Рух за Свабоду»;
- Міхаіл Кірылюк – адвакат, юрыст Народнага антыкрызіснага ўпраўлення;
- Аляксандр Ракіцкі – юрыст, былы супрацоўнік Генеральнай пракуратуры Рэспублікі Беларусь.
Што абмяркуюць падчас дыскусіі і дэбатаў?
- Ці можна лічыць усіх, хто працуе ў дзяржаўным апараце, саўдзельнікамі злачыннай дзейнасці Лукашэнкі;
- Які сцэнарый можа стаць ключом да выхаду з палітычнага крызісу пры ўмове прыцягнення Лукашэнкі і яго найбліжэйшых паплечнікаў да адказнасці;
- Як можа выглядаць нацыянальны дыялог без Лукашэнкі.
Якіх вынікаў можна чакаць ад слуханняў?
Па выніках пасяджэння плануецца заклікаць краіны і міжнародныя арганізацыі:
- Не прызнаваць любыя спробы рэжыму Лукашэнкі інсцэніраваць выбарчы працэс, які парушае прынцыпы справядлівых і празрыстых выбараў.
- Падтрымаць ініцыятыву Літоўскай Рэспублікі і накіраваць зварот у МКС для дэталёвага расследавання супрацьпраўных дзеянняў рэжыму Лукашэнкі.
- Узмацніць ціск на рэжым і распрацаваць дадатковыя інструменты для прадухілення абыходу ўжо ўведзеных санкцыяў.