На чарговым паседжанні ў Радзе Еўропы Кантактная група па Беларусі вызначыла шэраг мерапрыемтваў, скіраваных на ўмацаванне дэмакратыі і правоў чалавека ў нашай краіне.
Ключавы крок – пагадненне пра правядзенне семінараў і навучанне беларускіх юрыстаў стандартам Рады Еўропы, а таксама пераклад курсаў HELP. Дадатковай часткай адукацыйнай кампаніі стануць майстар-класы і семінары па скасаванні смяротнага пакарання ў Беларусі.
На паседжанні таксама былі вызначаны актыўныя крокі ў падтрымку моладзевых ініцыятыў і навучання новых пакаленняў лідарству. У прыватнасці, удзельнікі дамовіліся пра распрацоўку цыкла семінараў і канферэнцый па пашырэнні ўдзелу моладзі ў дэмакратычным працэсе.
