Відэазварот можна паглядзець па спасылцы.
Таццяна Шчытцова: «Нашую краіну ўцягнулі ў злачынную вайну. Мы цудоўна ведаем, што беларусы супраць удзелу ў гэтай жахлівай вайне ва Украіне. Вельмі многія беларусы далучыліся да Антываеннага Руху і ўсімі спосабамі дапамагаюць украінцам.
Бацькі, настаўнікі, не дазваляйце ўцягваць у гэтую злачынную авантуру вашых дзяцей і вучняў. Пару дзён таму вучаніцаў гомельскага каледжа прымусілі запісаць пакаяльнае відэа за тое, што яны ў TikTok выклалі відэа з ваеннай тэхнікай. Пакаяльныя відэа апублікавалі ў праўладных тэлеграм-каналах.
Я заклікаю вас: не дазваляйце рэжыму здзекавацца з дзяцей і падвяргаць іх апрацоўцы прапагандыстаў. Ніхто, акрамя вас, не зможа абараніць дзяцей ад подлага і цынічнага абыходжання з імі».
